22 декабрь, шанба куни футбол бўйича клублар ўртасидаги Жаҳон чемпионатида финал беллашуви ўтказилди.
Унда Мадриднинг «Реал» жамоаси БААнинг «Ал-Айн» жамоасини 4:1 ҳисобида мағлуб этди. «Реал» сафида Лука Модрич, Маркос Льоренте ҳамда Серхио Рамос гол уришга эришди. Яна бир голни эса Нодир ўз дарвозасига киритиб қўйди. «Ал-Айн»нинг ягона жавоб голи Шиотани томонидан киритилди.
Шу тариқа «Реал Мадрид» ўз тарихидаги 4 марта клублар ўртасидаги мундиалда ғалаба қозонди. Қайд этиш жоиз, бу мадридликларнинг кетма-кет учинчи ғалабасидир.
Модричнинг голи
Льорентенинг голи
Рамоснинг голи
Клублар ўртасидаги ЖЧ
Финал
22 декабрь, шанба
«Реал Мадрид» – «Ал-Айн» 4:1
Голлар: 1:0 – 14 Модрич, 2:0 – 60 Льоренте, 3:0 – 78 Рамос, 3:1 – 86 Шиотани, 4:1 – 90 Нодир (автогол)«Реал Мадрид»: Куртуа, Варан, Марсело, Карвахаль, Рамос, Кроос (Себальос, 71), Льоренте (Каземиро, 82), Васкес, Модрич, Бэйл, Бензема.
«Ал-Айн»: Исо, Аҳмад, Шиотани, Аҳмад (Муҳаммад, 64), ал-Шаҳат, Файёз, Яслам, Думбия, Каё, Берг (Нодир, 75), Умар Абдураҳмон (Абдураҳмон, 67).
Огоҳлантириш: Рамос (45).
Янада кўпроқ футбол ва спорт янгиликларидан бохабар бўлишни истасангиз, «Дарё»нинг Telegram’даги расмий спорт канали — @daryo_sport’га обуна бўлинг!
Изоҳ (0)