“Манчестер Сити” бош мураббийи Хосеп Гвардиола АПЛ ғолиблиги учун қўлга киритган мукофот пулларини клуб ходимларига бериб юборди.
Daily Mail нашрининг хабар қилишича, мутахассис Премьер Лига ғолиблиги учун қанча мукофот олгани номаълум. Айрим футболчиларга клуб 750 минг фунтга қадар бўлган бонус беради ва мутахассиснинг мукофоти ҳам тахминан шу атрофида бўлиши мумкин.
Испаниялик мураббий бу сафар пулни клубнинг кўплаб ходимлари билан баҳам кўришни истаган. Ҳатто қабул бўлими ходимлари ва хавфсизликка жавобгар ходимларгача мукофот тақсимланган.
Жорий мавсум “шаҳарликлар”, шунингдек, Чемпионлар Лигаси ва Англия Кубогида ҳам ғалаба қозонди.
Қайд этиш керак, “Манчестер Сити”да ҳар бир ходим учун, у футболга тўғридан тўғри алоқадор бўлмаса ҳам қўлга киритилган совринлар учун маълум миқдорда мукофот пули берилади.
Изоҳ (0)