“Манчестер Сити” Англия Кубоги финалида “Манчестер Юнайтед”ни 2:1 ҳисобида мағлуб этиб, Кубок соҳибига айланди. 

“Шаҳарликлар” бош устози Пеп Гвардиола АПЛ ва Англия Кубогини бир йилда бир ва ундан ундан кўп қўлга киритган 3-мураббийга айланди. 

Испаниялик мутахассис Англияда иккинчи бор олтин дубль қайд этмоқда — 2018/19 йилги мавсумда ҳам “Сити” чемпионат ва мамлакат Кубогини қўлга киритганди.

Пепдан ташқари бир ва ундан кўп марта олтин дублга “Арсенал” собиқ мураббийи Арсен Венгер (1997/98, 2001/02) ва “Манчестер Юнайтед” собиқ устози Алекс Фергюсон (1993/94, 1995/96 ва 1998/99) эришган. 

Маълумот учун, “Манчестер Сити” 10 июнь куни Чемпионлар Лигаси финалида “Интер”га қарши баҳс олиб боради.