Англия Премьер Лигасида мавсум якунланди. Бугун, 25 май куни мусобақанинг 38-тури доирасидаги барча баҳслар ўтказилди. “Манчестер Сити” сафарда “Фулҳэм”га қарши майдонга тушиб, 2:0 ҳисобида ғалаба қозонди ва мавсумни 3-ўринда якунлади.
Учрашувдаги голларга Илкай Гюндоған ва Эрлинг Ҳоланд муаллифлик қилди. Қўлга киритилган ғалабадан кейин “шаҳарликлар” ҳисобидаги очколар сони 71 тага етди ва улар бронза медаллари билан бирга кейинга мавсум учун Европа Чемпионлар Лигаси йўлланмасини ҳам нақд қилди. Ўзбекистонлик ҳимоячи Абдуқодир Ҳусанов учрашув қайдномасидан жой олмади.
Мусобақа якунланишидан аввал чемпионликни расмийлаштирган “Ливерпуль” сўнгги турда “Кристал Пэлас” билан 1:1 ҳисобида дуранг ўйнади. 74 очкоси бор “Арсенал” эса кумуш медалларига эга чиқди. Лондон клуби сўнгги турда “Саутгемтон”дан 2:1 ҳисобида устун келди.
Шунингдек, “Челси” “Ноттингем Форест”ни 1:0 ҳисобида мағлуб этиб, 4-ўринни эгаллаган бўлса, “Ньюкасл” кучли бешликка якун ясади.
38-турда қайд этилган барча натижалар:
38-турдан кейин якуний жадвал:
Кейинги мавсум Англия Премьер Лигасидан 6 та жамоа Чемпионлар Лигасида қатнашади: булар “Ливерпуль”, “Арсенал”, “Манчестер Сити”, “Челси”, “Ньюкасл” ва Европа Лигаси ғолиби “Тоттенҳэм”.
Изоҳ (0)