Ярим ҳимоячи Кевин де Брюйне яқинда “Манчестер Сити”ни тарк этишини расман эълон қилди. Шундай кейин у қайси чемпионатга ўтиши борасидаги баҳс-мунозаралар пайдо бўла бошлади. Sky Sport нашри маълумотларига кўра, 33 ёшли белгиялик футболчи “Наполи” билан шарнома имзолашни истамоқда.
Унга кўра, Де Брюйне бундай муҳим қарорни қабул қилишда оиласининг фикрига эътибор қаратган. Унинг рафиқаси яқинда Неаполга ташриф буюриб, шаҳар ҳамда таклиф этилган шартлар билан танишиб чиққан ва бу уларни қониқтирган. Оиласи билан маслаҳатлашгач, футболчи “Наполи” вариантига эътибор қаратган.
Инсайдер Маттео Мореттонинг ёзишича, “Наполи” 33 ёшли ярим ҳимоячига уч йиллик шартнома таклиф қилади. Бельгиялик футболчи дастлабки икки мавсум давомида йилига 6 миллион евро маош олса, учинчи йил бу кўрсаткич 5 миллион еврога пасаяди.
Шунга қарамай, де Брюйне бу борада якуний қарорни қабул қилмаган. Эндиликда ҳаммаси Неапол клуби президенти Аурелио Де Лаурентис қўлида қолмоқда. Агар у де Брюйнени тўлиқ ишонтира олса, белгияликнинг кейинги манзили А Серия бўлади.
Эслатиб ўтамиз, ярим ҳимоячи бунгача Германия Бундеслигаси ҳамда Англия Премьер Лигасида тўп сурган.
Изоҳ (0)