Клублар ўртасидаги Жаҳон чемпионатининг чорак финалчилари маълум бўлди. Opta жамоаларнинг мусобақада ғолиб чиқиш имкониятини баҳолади. Унга кўра, мусобақанинг асосий фаворити сифатида Англиянинг “Челси” клуби кўрсатилган. Лондон клуби турнирда ғолиб чиқиш эҳтимоли 26,8 фоиз деб баҳоланган.
Иккинчи ўринда Франциянинг “ПСЖ” клуби жой олган бўлиб, парижликларнинг бош совринга эга чиқиш эҳтимоли 24,9 фоизни ташкил қилади. Кучли учликни эса “Реал Мадрид” якунлаб турибди (16,9%).
Opta нашрига кўра, Клублар ўртасидаги Жаҳон чемпионатида жамоаларнинг ғалаба қозониши имконияти:
- “Челси” — 26,8 фоиз
- “ПСЖ” — 24,9 фоиз
- “Реал Мадрид” — 16,9 фоиз
- “Бавария” — 14,8 фоиз
- “Боруссия Дортмунд” — 7,6 фоиз
- “Ал-Ҳилол” — 4,3 фоиз
- “Палмейрас” — 3 фоиз
- “Флуминенсе” — 1,5 фоиз
Маълумот учун, мусобақанинг чорак финал учрашувлари 4 июлдан 5 июлга ўтар кечаси бошланади.
Чорак финал жуфтликлари билан танишинг:
- “Палмейрас” (Бразилия) — “Челси” (Англия)
- “Флуминенсе” (Бразилия) — “Ал-Ҳилол” (Саудия Арабистони)
- “ПСЖ” (Франция) — “Бавария” (Германия)
- “Реал Мадрид” (Испания) — “Боруссия Дортмунд” (Германия)
Изоҳ (0)