«Челси» Премьер Лига 8-турида «Шеффилд Юнайтед»ни мағлубиятга учратди (4:1).
Учрашувда лондонликлар ярим ҳимоячиси Ҳаким Зиёш ёрқин ўйин намойиш қилди. Opta маълумотларига кўра, марокашлик футболчи учрашувда олтита голли вазият яратди ва икки бор голли узатма муаллифига айланди. АПЛ 2020/21 йилги мавсумида ҳали ҳеч қайси футболчи битта ўйинда бу қадар кўп вазият яратмади.
Шунингдек, Зиёш лига жорий мавсумида 180 дақиқадан кам ҳаракат қилмаган футболчилар орасида голли узатма амалга ошириш бўйича энг яхши статистикани қайд этмоқда — 90 дақиқада ўртача 0,57. Шу билан бирга фақат Зиёш голли вазият яратиш борасида (3,79) фақат Кевин де Брюйнедан (4,24) орта қолмоқда.
https://twitter.com/OptaJohan/status/1325190800771219458
Зиёш «Челси»га 2020 йилнинг ёзида «Аякс» сафидан келиб қўшилди. Лондонликлар клуб январь ойида футболчи учун 40 миллион евро тўлаганди. Ҳаким «Челси» сафида 7 та ўйин ўтказиб, иккита гол ва учта голли узатма муаллифига айланди.
Янада кўпроқ футбол ва спорт янгиликларидан бохабар бўлишни истасангиз, «Дарё»нинг Telegram’даги расмий спорт канали — @Daryo_Sport24’га обуна бўлинг!
Изоҳ (0)