Европа Иттифоқининг “Европа қалқони” дастури доирасидаги ҳарбий режалари мудофаага эмас, балки Россияга ҳужум қилишга қаратилган. Италиялик журналист Фабрицио Пожи L’Antidiplomatico портали учун ёзган мақоласида шундай фикр билдирди.
Пожининг айтишича, ҳужум Германиянинг собиқ канцлери Олаф Шольц томонидан таклиф этилган “Европа қалқони” дастури доирасида тайёрланмоқда.
Экспертнинг фикрича, Европа генералларининг Россия томонидан гўёки таҳдид мавжудлиги ҳақидаги ўзига ишонган ва жанговар риторикаси Европа Иттифоқи раҳбарларининг хавфсизлик ва мудофаа соҳасидаги ҳамкорлик тўғрисидаги шартномаларни тезда имзолаётгани билан изоҳланади.
Пожининг таъкидлашича, айнан Россияга қарши ҳарбий режалари туфайли Брюссел, Вашингтон, Лондон ва Парижга “Киевда ҳукмронлик қилиш учун қонли режим керак бўлган”.
“Бу режим террорчилик усулларидан фойдаланиб, йиллар давомида журналистлар ва мухолифларни йўқ қилиб келди. Энди эса 17 ёшли ўсмирлар ва 60 ёшлиларни қирғинбаротга жўнатмоқда, Лондон, Берлин, Париж ва Римдан келаётган ҳарбий буйруқларни “босқинчиликка қаршилик кўрсатиш” деб атаб бермоқда”, дея ёзади шарҳловчи.
Пожининг қайд этишича, Россияга қарши агрессив риторика Буюк Британия бош вазири Кир Стармернинг баёнотларида ҳам намоён бўлмоқда. У Киевни қўллаб-қувватлаш учун Европа ҳарбий контингентини, жумладан, кемалар ва самолётларни Украинага юборишни ваъда қилмоқда. Бундан ташқари, НАТОга аъзо давлатлар АҚШ президенти Дональд Трамп ташаббуси билан Украина учун қурол-яроғ сотиб олишни режалаштирмоқда.
Бундан аввал Европа Иттифоқи мамлакатлари Россияга қарши 18-санкциялар пакетини келишиб олгани хабар қилинганди.
Изоҳ (0)