Лондоннинг “Челси” клуби Клублар ўртасидаги Жаҳон чемпионати финалида Парижнинг “ПСЖ” жамоасини йирик ҳисобда мағлубиятга учратиб, мусобақа ғолибига айланди. Бироқ турнирнинг асл кубоги билан боғлиқ ҳолат жамоатчиликда қизғин муҳокамаларга сабаб бўлди.
АҚШ президенти Дональд Трампнинг айтишича, мусобақанинг асл кубоги FIFA президенти Жанни Инфантино таклифи билан Оқ уйдаги Овал кабинетда сақланмоқда. “Челси” клуби эса кубок нусхаси билан тақдирланган.
Улар менга: ъКубок сизда қолсинъ, дейишди. Биз уни Овал кабинетга қўйдик. Кейин мен: ъҚачон олиб кетасизлар?ъ деб сўрадим. Инфантино эса: ъБиз уни олиб кетмаймиз. Уни ўзингизда қолдиринғ, деб жавоб берди, — деди Трамп.
Баъзи ОАВлар хабарига кўра, аслида кубокнинг Оқ уйда қолиши бўйича ғоя Трампнинг ўзидан чиққан, Инфантино эса бунга қарши чиқмаган.
Эслатиб ўтамиз, турнир кубоги машҳур “Tiffany & Cо.” компанияси томонидан ишлаб чиқилган. У 24 каратли олтин билан қопланган бўлиб, 13 хил тилда, жумладан, Брайл ёзувида (кўзи ожиз ёки заиф кўрувчи инсонлар учун мўлжалланган) ишланган ҳам ёзувлар билан безатилган.
Изоҳ (0)