Президент фармони билан, Саидлазиз Саидкаримов бошқа ишга ўтиши муносабати билан Президент Администрацияси Назорат инспекцияси бошлиғи лавозимидан озод этилди. Бу ҳақда Президент матбуот хизмати хабар берди.
Шунингдек:
- Ўткиржон Қодиров Ҳудудлар билан ҳамкорлик қилиш ва таҳлилий материалларни тайёрлаш департаментининг раҳбари лавозимидан;
- Жаҳонгир Ибрагимов Режалаштириш ва ахборот таъминоти департаменти раҳбари ўринбосари лавозимидан озод этилди.
Президент фармони билан Президент администрацияси тузилмасига ўзгартиришлар киритилгани ҳақида хабар берилганди. Давлат раҳбарининг фармони билан Саида Мирзиёева Президент администрацияси раҳбари лавозимига тайинланди.
Шунингдек, Комил Алламжонов Президент администрациясининг янги раҳбари Саида Мирзиёевага жамоатчилик асосида мустақил маслаҳатчи сифатида тайинланди.
Шу билан бирга, Бекзот Мавлонов Президент ёрдамчиси лавозимига, Азиз Магрупов Президентнинг ташқи инвестициялар масалалари бўйича маслаҳатчиси лавозимига тайинланди.
Изоҳ (0)