Ўзбекистон президенти ёрдамчиси Саида Мирзиёева Россия томонининг таклифига биноан Москва шаҳрида Россия президенти администрацияси раҳбари Антон Вайно билан учрашув ўтказди.
Юқори суръатда ривожланиб бораётган ва аниқ натижалар бераётган Ўзбекистон-Россия ҳамкорлигининг бугунги ҳолати ва истиқболлари муҳокама қилинди.
Олий даражада эришилган келишувларни мувофиқлаштириш ва амалга оширишга алоҳида эътибор қаратилди. Келишувлар ижросини мониторинг қилиш бўйича яратилаётган механизм давлатлар раҳбарлари томонидан қўйилган вазифаларни ҳал этиш борасида Президент администрациялари ўртасида ҳамкорликнинг самарали воситасига айланишига ишонч билдирилди.
Савдо-иқтисодий ва инвестициявий шерикликнинг асосий йўналишлари, жумладан, инновацион лойиҳалар ва минтақалараро алоқалар атрофлича муҳокама қилинди.
Гуманитар соҳадаги икки томонлама ҳамкорликнинг устувор йўналишлари ва меҳнат миграцияси масалалари юзасидан фикр алмашилди.
Томонларни қизиқтирган барча масалалар бўйича яқиндан мувофиқлаштириш ва биргаликда ишлаш муҳимлиги таъкидланди.
Изоҳ (0)