Тошкентда ҳайдовчи Gentra'ни одамларга қарата ҳайдаши, “конвертда” ойлик тўлаётган тадбиркорлар устидан назорат кучайтирилиши, қамоқдаги собиқ МХХ амалдори Нодир Тўрақулов эҳтиётсизлик оқибатида бармоқларидан айрилиши — “Дарё” нашри бугун, 7 февралда эълон қилинган Ўзбекистоннинг ижтимоий-сиёсий ҳаётига оид эътиборга молик хабарларни бир жойга тўплади.
Тошкентда ҳайдовчи Gentra'ни одамларга қарата ҳайдади
Ҳолат бир гуруҳ кишилар ўртасидаги жанжалда юз берган.
Ўзбекистоннинг икки вилоятида қор кўчиш хавфи эълон қилинди
Фуқаролардан эҳтиёткорлик чораларини кўриш сўралди.
Ўзбекистонда IT, молиявий хизматлар, туризм, авиация, таълим ва тиббиёт соҳаларида “катта сакраш” бўлди
Президент хизматлар бирдек ривожланмаётганини айтиб, айрим ҳудудлардаги ҳолатни танқид қилди.
Ўзбекистонда гаровга қўйилган мулкни нотариусга бориб, тақиқ ўрнатиш бекор бўлиши мумкин
Бунинг учун кадастр, солиқ, адлия идораларининг базаси банклар ахборот тизимига интеграция қилиниши лозим.
Ўзбекистонда “конвертда” ойлик тўлаётган тадбиркорлар устидан назорат кучайтирилади
Савдо ва хизматлар соҳасидаги корхоналарга ижтимоий солиқ имтиёзи муддати узайтирилади.
Тошкентда тун-у кун ишлайдиган кўчалар сони яна кўпайтирилади
Хусусан, Олмазор туманидаги 17 та кўчадан ўтган йўл гастрономик кўчага айлантирилади.
Ўзбекистонда маҳаллий автомобиллар учун кредит ставкаси пасайиши мумкин
Бунинг учун банкларга автосалонларда бериладиган чегирмани инобатга олишга рухсат этилиши лозим.
Қамоқдаги собиқ МХХ амалдори Нодир Тўрақулов эҳтиётсизлик оқибатида бармоқларидан айрилди
У жиноятлари учун колонияда жазони муддатини ўтаётганди.
“Қайси раҳбар рақамлаштиришни кечиктирса, очиқлик сиёсатимизга қарши чиққан бўлади” — президент
Шавкат Мирзиёев хизматлар соҳасида рақобатбардошликни ошириш бевосита ҳудуд ва тармоқларни рақамлаштириш даражаси билан боғлиқлигини айтди.
Шавкат Мирзиёев онлайн кредит олиш тартибини соддалаштиришни топширди
Мутасаддиларга бу борада тегишли қарор ишлаб чиқиш топширилди.
Шавкат Мирзиёев Япония бош вазирининг махсус маслаҳатчиси билан учрашув ўтказди
“Марказий Осиё + Япония” форматидаги биринчи саммитга тайёргарлик доирасида минтақавий ҳамкорлик масалалари юзасидан фикр алмашилди.
Шерзод Асадов Президент aдминистрацияси штат бирликларида қисқартириш бўлиши ҳақидаги хабарларга изоҳ берди
“Бу жараённинг ҳажми ва кўлами қай даражада бўлиши, мазкур йўналишда тегишли ўрганиш ва таҳлиллар ўтказилганидан кейингина маълум бўлади”, дейилади хабарда.
Равшан Усмонов Ўзбекистоннинг Исландиядаги элчиси этиб тайинланди
Элчи Исландия президенти Халла Томасдоттирга ишонч ёрлиқларини топширди.
Ҳар уч ҳужжатнинг бири ёпиқ: водий ҳокимлари жамоатчиликдан нимани яширмоқда?
Жорий йилнинг январь ойида водийдаги ҳокимликлар томонидан 3435 та ҳужжат имзоланиб, электрон платформага жойлаштирилган. Ҳужжатларнинг ҳар учтасидан биттаси “шахсга оид” деган важ билан яшириб қўйилган.
Тошкентда уй-жойлар учун ижара нархлари арзонлашишда давом этмоқда
Январь ойида пойтахтда ўртача таъмирланган хонадонлар учун ўртача ижара нархлари декабрь ойига нисбатан 0,1 фоизга арзонлашди.
Изоҳ (0)