Америкада папарацилар ва машҳурларни таъқиб қилувчи мухлислар кўп учрайди. Хю Жекман ҳам янги шоусининг эрталабки намойишидан кейин улардан қочишга тўғри келди.
Паге Сих нашрининг хабар беришича, актёр Нью Йоркдаги спектаклдан сўнг мухлислардан қочиб қолган. Мухлислар севимли юлдузини кутиб, Минетта Лейндаги театрни ўраб олишган. Юлдуз чиққач, улар дастхат сўрай бошлаган ва у билан селфи олишга уринишган.
Оломондан қутулиш учун Хю Жекман биринчи учратган машинани тўхтатиб, уларни олиб кета олиш-олмасликларини сўраган. Розилик олгач, актёр тансоқчиси билан бирга машинага ўтириб, жўнаб кетган. Таъкидлаш жоизки, бу ҳақиқатан ҳам тасодифий ҳолат эди, чунки ҳайдовчи такси ходими бўлмаган.
Айтганча, май ойи охирида “Х-Одам” фильми юлдузи деярли 30 йил бирга яшаган хотини Деборра-Ли Фернесс билан расман ажрашди. Бу ажралиш жанжаллардан ҳоли бўлмади. Бундан ташқари, яқинда Marvel студияси “Қасоскорлар” оламига оид иккита янги фильм чиқаришини маълум қилди. Бироқ уларда Росомаха пайдо бўладими йўқми ҳали номаълум.
Изоҳ (0)