Жаҳон киноси юлдузларининг илк роллари: машҳурларни болалик суратларидан таний оласизми? (фото)

Бугунги кундаги таниқли актёрлар болаликда дебют ролларини ижро этишганда уларни ҳеч ким танимас эди. Актёрлар ўз устида кўп ишлади, турли рад жавобларини олди, уларнинг баъзилари ҳатто актёрликни ташлаш арафасида ҳам бўлди. Бироқ эндиликда улар юзлаб афсонавий фильмларда рол ўйнади, мухлислар эътирофига сазовор бўлди. Қуйида 20 нафар Голливуд юлдузларининг илк ижро этган роллари билан танишамиз.

1. Роберт Де Ниро — “Манхеттендаги уч хона” (1965)

Юздан ортиқ фильмларда ажойиб образларни гавдалантирган машҳур актёр ўз фаолиятини Европа киносида бошлаган. 1965 йилда Де Ниро “Манхеттендаги уч хона” фильмида илк ролини ўйнаган.

2. Натали Портман — “Леон: Профессионал” (1994)

Натали Портман “Леон: Профессионал” фильмида биринчи ролини ижро этганда эндигина 13 ёшга тўлган эди. Фильмда у оиласи ўлдирилганидан сўнг қотил томонидан асраб олинган қиз образида акс этади.

3. Никол Кидман — “Рождество бутаси” (1983)

Кидман ўзининг актёрлик фаолиятини Австралиянинг “Рождество бутаси” фильмидан бошлаган. Фильм чекка қишлоқда яшовчи камбағал оила ва унинг фермасини молиявий қийинчиликлардан қутқаришга уринган қиз ҳақида ҳикоя қилади.

4. Леонардо Ди Каприо — “Болалар ва дўстлар хонаси” (1979)

1979 йилда Ди Каприо илк бор экранларга болалар телешоуси орқали чиққан, у вақтда актёр 5 ёш эди.

5. Кемерон Диас — “Ниқоб” (1994)

Голливуднинг энг машҳур актрисаларидан бири Кемерон Диас 1994 йилда “Ниқоб” фантастик комедиясида ёвуз қаҳрамоннинг севгилиси ролини ўйнаган.

6. Дензел Вашингтон — “Вилма” (1977)

Америкалик актёр ва режиссёр Дензел Вашингтон 1990 йилларнинг охиридан бери Голливуднинг таниқли юлдузи ҳисобланади. У “Вилма” фильмида хотиралар саҳнасида дебют қилган.

7. Морган Фриман — “Нью-Йорк телевидение театри” (1969)

Ўзига хос хотиржамлиги, залворли овози ва профессионал ҳикоя қилиш қобилиятлари билан машҳур Морган Фриман кенг қамровли карьера йўлини босиб ўтган. У илк фаолиятини 1969 йилда “Нью-Йорк телевидение театри” да эпизодик ролдан бошланган.

8. Хью Жекман — “Юмшоқ муқовадаги қаҳрамон” (1999)

“Ғаройиб одамлар” фильми орқали жаҳон бўйлаб машҳурликка эришган америкали актёр Хью Жекман илк фаолиятини 1990 йилдан телевидение актёри сифатида бошлаган ва илк ролини 1999 йилда “Юмшоқ муқовадаги қаҳрамон” фильмида ўйнаган.

9. Жонни Депп — “Элм кўчасидаги даҳшат” (1984)

“Кариб денгизи”нинг маккор қароқчиси образида танилган Жонни Депп дастлаб 1984 йилда “Элм кўчасидаги дахшат” фильмида дебют қилган.

10. Мерил Стрип — “Жулия” (1977)

Голливуднинг энг ҳурматли актрисаларидан бири Мерил Стрип 90 га яқин фильмларда суратга тушган. Унинг дебюти 1977 йилда нацистларга ёрдам қилувчи драматург ҳақидаги “Жулия” фильмидаги кичик рол бўлган.

11. Анжелина Жоли — “Чиқиш йўлини излаб” (1982)

Машҳур актриса (тасвирда отасини қучоқлаб турибди) 1982 йилда отаси Жон Войт билан фильмда дебют қилган. Фильм Нью-Йоркдан қочиб кетаётган икки қиморбоз ҳақида ҳикоя қилади.

12. Жим Керри — “Барчанинг диди чакки эмас” (1983) ва “Тишлаб олинган” (1985)

Жим Керри ўз карьерасини 1980 йилда Канада телевидениесининг Тҳе Тонигҳт Show дастурида дубляж актёри сифатида бошлаган. “Барчанинг диди чакки эмас” комедиясида эса у кичик саҳна — тасвирчи ролини ижро этган.

13. Пенелопа Круз — “Лос мундос де Юпи” (1990)

Испаниялик мафтункор актриса илк ролини 1990 йилда испан болалар телесериали “Лос мундос де Юпи” да 18 ёшида ўйнаган.

14. Эдди Mёрфи — “48 соат” (1982)

Эдди Mёрфининг биринчи фильми cриминал сюжетли бўлиб, унда актёр қотилни фош этиш учун полициячи билан бирлашган жиноятчи ролини ўйнайди.

15. Райан Рейнолдс — “15 ёшлилар” (1991)

Канадалик актёр Райан Рейнолдс ўзининг актёрлик фаолиятини мактаб ўқувчилари муаммоларига бағишланган “15 ёшлилар” телесериалидаги рол билан бошлаган.

16. Скарлетт Йоханссон — “Шимол” (1994)

Голливуд юлдузи Скарлетт Йоханссон актёрлик фаолиятини 10 ёшида Брюс Уиллис ва Жейсон Александр кабилар бош ролларини ижро этган “Шимол” фильмидан бошлаган.

17. Энтони Хопкинс — “Нуқтаи назар” (1960)

Британиялик актёр ва режиссёр ўзининг илк ролини 1960 йиллардаги “Нуқтаи назар” телесериалида ижро этган.

18. Метт Деймон — “Мистик пица” (1988)

Метт Деймоннинг илк рол ўйнаган фильм денгиз бўйидаги шаҳарчада жойлашган пицерияда ишловчи уч нафар дўстлар ҳақида ҳикоя қилади.

19. Том Круз — “Чексиз севги” (1981)

Америкалик актёр, режиссёр ва сценарийар муаллифи Том Круз кинодаги фаолиятини 1981 йилда бошлаган. “Чексиз севги” фильми у севиб қолган ўсмир ролини ўйнайди.

20. Жеки Чан — “Катта ва кичик Вон Тин Бар” (1962)

Гонгконглик актёр, режиссёр, қўшиқчи ва каскадёр Жеки Чан фильмдаги илк образини саккиз ёшида гавдалантирган.