Яқинда Хю Жекман ва унинг рафиқаси Деборра-Ли билан 27 йиллик муносабатлардан кейин ажрашаётгани маълум бўлди. Актёр рафиқаси билан ажрашгандан кейин қаерда яшаши кўплаб мухлислар учун қизиқ.
“Оиламиз бизнинг устувор вазифамиз бўлиб келган ва шундай бўлиб қолади. Биз кейинги босқичга миннатдорчилик, севги ва меҳр билан кирамиз. Биз шахсий ҳаётимизни тушунганингиз ва ҳурмат қилганингиз учун жуда миннатдормиз, чунки бизнинг оиламиз бутун ҳаётимиз давомида ушбу вазиятни бошдан кечирмоқда. Бу айтишимиз мумкин бўлган ягона баёнотдир”, — дея хулоса қилди Хю ва Деборра-Ли.
Daily Mail нашрининг ёзишича, актёр рафиқаси билан ажрашгандан кейин катта эҳтимол билан Австралияда яшайди.
Нашрнинг ёзишича, у Сиднейдаги уйини 2015 йилда 5,9 миллион долларга сотиб олган (ҳозир унинг нархи 12 миллион долларни ташкил қилади). Уйда учта ётоқхона, кенг ошхона ва балкон бор, бироқ энг муҳими — ундан океаннинг гўзал манзарасини томоша қилиш мумкин.
Эслатиб ўтамиз, Хю Жекман ва Деборра-Ли Фурнесс “Коррелли” детектив сериали суратга олиш майдончасида танишиб қолган. Жуфтлик 1996 йилда турмуш қурди. Жуфтликнинг муносабатларига ёшдаги катта фарқ ҳам тўсқин бўла олмади: актёр Деборрадан 13 ёш кичик.
Бундан ташқари, ўша пайтда Хю эндигина кинодаги карьерасини бошлаётган эди. Актёрнинг ҳамкасби эса машҳур бўлиб, унинг номи ўз ватани Австралияда “Уят” ва “Саёҳатчи” фильмларидан кейин танилган эди. Улар 2000 йилда Оскарни, 2005 йилда Деборра Ава исмли қизни асраб олди.
Изоҳ (0)