11 январь куни Лос-Анжелесда йилнинг биринчи йирик кино тадбири – «Олтин глобус» мукофотини топшириш маросими бўлиб ўтди. Мукофот ташкилотчилари аввал қилган барча хатоларни ҳисобга олди ва хавфлардан қочишга ҳаракат қилди, бироқ Жулия Робертс, Том Круз, Хью Жекман, Эмма Томпсон, Даниел Крейг, Тэйлор Свифт ва бошқа машҳур Голливуд актёрлари тақдирлаш маросимига ташриф буюрмади.
Бошқа машҳурлар, жумладан, Леонардо Ди Каприо, Бред Питт ва Рианна тадбир бошланганидан бир соат ўтиб қизил йўлакда кўриниш берди. «Новий очаг» нашри «Олтин глобус — 2023» мукофотининг энг чиройли ва муҳокама қилинган образлари ҳақида маълумот берди.
Жессика Честейн
«Олтин глобус — 2023» мукофотининг тақдирлаш маросимида энг кўп муҳокама қилинган либослардан бири Жессика Честейннинг кумушрангли, тўрли Oscar de la Renta либоси бўлди. Унинг либоси чироқлар сабаб янада порлади ва меҳмонларнинг эътиборини тортди. Образ қизиқарли бўлди, чунки Честейн яна бир Голливуд актрисаси Салма Хайек билан жуда ўхшаш либосни танлади.
Марго Робби
Ижтимоий тармоқларда: «Марго Робби худди Chanel томонидан гаровга олинганга ўхшайди», — деган ҳазиллар тарқалди. «Вавилон» мукофотига номзод бўлган актриса яна ўзининг севимли брендига содиқ бўлиб қолди ва қизил йўлакда пуштирангдаги Chantilly номли тўр ва ипак матоли либосда пайдо бўлди. Патлар ва шиша мунчоқлар билан безатилган индивидуал образни яратиш учун 750 соат керак бўлди.
Женна Ортега
«Уэнздей» сериали юлдузи Женна Ортега ўзининг қаҳрамони — Аддамслар оиласидаги маъюс қиз қиёфасидан воз кечди ва фотографлар олдида чиройли кўринишда пайдо бўлди. Gucci’га тегишли бўлган чой атиргулининг рангидаги кўйлак «Олтин глобус — 2023» мукофотининг энг кутилмаган, чиройли образлари қаторига киритилди. Кўйлакнинг ранги актрисанинг ёшини каттароқ кўрсатиши мумкин эди, бироқ ундаги чизиқлар бунинг олдини олган.
Мишел Ео
«Ҳаммаси ҳамма жойда ва бирданига» фильми юлдузи Мишел Ео «Энг яхши актриса» (мусиқий ёки комедия) номинациясида ғолиб чиқди. Актриса кумушранг тошлар билан безатилган тўқ-кўк рангли Armani Prive елкасиз либосида қизил йўлакдан ўтди. Образ катта билагузук, бўйинга тақиладиган тақинчоқ ва узун сочлар билан тўлдирилган.
Ана де Армас
Мерилин Монро ҳақидаги шов-шувли фильм юлдузи — Ана де Армас ўзининг сарғиш образидан одатдагидек тўқ рангли либосларга қайтди, бироқ у ўзининг ёрқинлигини йўқотмади. «Олтин глобус» мукофотига номзод бўлган актриса Louis Vuitton High Jewelry коллекциясидаги заргарлик буюмлари билан юбканинг этагига қадар оқ кумуш матодан тикилган ажойиб қора бахмал кўйлакни танлади. Мухлислар актрисанинг оғир бўлиб кўринадиган кийимда бемалол ҳаракат қилганидан ҳайратда қолди.
Жейми Ли Кёртис
Мукофотга номзод бўлган яна бир актриса Жейми Ли Кёртис ҳар жиҳатдан маросимнинг энг эсда қоларли юлдузларидан бирига айланди. У тўн ва катта ўлчамли билагузуклар билан тўлдирилган Валентино страплез қора либосида тақдирлаш маросимида иштирок этди.
Bach Маi бренди либосидаги Бритт Лоуэрр
Мавзуга доир:
Изоҳ (0)