Президент администрациясининг қатор лавозимларига номзодлар тасдиқланди. Бу ҳақда 30 июль куни президент матбуот котиби Шерзод Асадов хабар берди.
Президент фармонига асосан, Нозимахон Давлетова Президент администрацияси раҳбарининг шартнома асосидаги консултанти – Инсон капиталини ривожлантириш бўйича лойиҳа офиси раҳбари этиб тайинланди.
Камолиддин Мардонов администрациянинг Ҳуқуқий экспертиза ва комплекс таҳлил қилиш департаменти бошлиғининг биринчи ўринбосари лавозимига тайинланди. Шу билан бирга, тузилманинг турли департаментларига қуйидагилар:
- Улуғбек Ханаев Ҳуқуқий экспертиза ва комплекс таҳлил қилиш департаменти бошлиғи ўринбосари – Бош юрисконсулт,
- Элдор Ҳамроев Ҳуқуқий экспертиза ва комплекс таҳлил қилиш департаменти бошлиғи ўринбосари,
- Азиз Азимов Жамоат хавфсизлиги ва қонун устуворлиги бўйича департамент бошлиғининг биринчи ўринбосари,
- Сергей Гордеев Жамоат хавфсизлиги ва қонун устуворлиги бўйича департамент бошлиғи ўринбосари,
- Гулрухсор Хатамова Коммуникациялар департаменти бошлиғининг биринчи ўринбосари, Фаррух Омонов ва Рустам Мирзаев ҳам мазкур департамент боғлиғига ўринбосар,
- Фатҳиддин Муҳиддинов Йиғилиш ва ҳудудларга ташрифлар учун таҳлилий контент тайёрлаш департаменти бошлиғи ўринбосари,
- Ҳусниддин Ҳошимов Йиғилиш ва ҳудудларга ташрифлар учун таҳлилий контент тайёрлаш департаменти бошлиғи ўринбосари
- Ўлуғбек Норматов Ташқи алоқалар департаменти бошлиғи ўринбосари этиб тайинланди.
Шу билан бирга, Ойбек Умаров администрациянинг ишлар бошқарувчиси ўринбосари этиб тайинланди.
Улуғбек Ҳусаинов эса Бошқарув самарадорлиги агентлиги директори вазифасини бажарувчи этиб тайинланди. Шу муносабат билан администрациянинг Ҳудудлар билан ҳамкорлик қилиш ва таҳлилий материалларни тайёрлаш департаменти раҳбари ўринбосари лавозимидан озод этилди.
Аввалроқ президент маслаҳатчиларига ўринбосарлар тайинлангани хабар қилинганди.
Изоҳ (0)