Бир инсон билан бир умр бахтли ҳаёт кечириш тушунчаси айримлар учун бегона ҳисобланади. Cosmopolitan нашри эълон қилган, камида уч марта турмуш қуришга муваффақ бўлган машҳурлар, жуфти билан умрларининг охиригача бирга бўлишга вада берган аммо сўзида турмаган.
Ким Кардашьян (3 марта турмуш қурган)
Ким Кардашьяннинг биринчи турмуш ўртоғи, мусиқа продюссери Деймон Томас билан ҳаёти бир текисда бўлмаган. Калтакланиш, ортиқча назорат ва талаблардан чарчаган Ким, 2004 йилда ҳаммасига нуқта қўйган ва орадан олти йил ўтибгина 2010 йилда турмушида юз берган қийинчиликлари билан бўлишган. Унинг сўзларига кўра, эрининг таҳдидлари сабаб полицияга қўнғироқ қилиш тугул, яқинларига оғиз жуфтлолмаган, ҳатто.
Баскетболчи Крис Хамфрис билан қурган иккинчи турмуши эса Вера Ванг брендидан маликаларникидек келинлик либоси, икки миллион долларлик узук ва юзидан табассум аримаган ташриф буюрган меҳмонлар билан ҳаммаси эртак сингари бошланган. Ким маросимни суратга олиш ҳуқуқини Е! телеканалига бир ярим миллион долларга сотган. Бироқ бахтли онларга 72 кун ўтиб якун ясалган. Кардашяннинг муроса қила олмаганликни сабаб қилиб кўрсатиб, ажрашиш учун судга бергани Хамфрис учун кутилмаган ҳолат бўлган ва бир неча ой давомида рафиқасини қайтишга кўндиришга ҳаракат қилган, аммо охири кўнишга мажбур бўлган. Ажрашганидан кейин никоҳ узугини қайтариб олган Крис, уни аукционда 200 минг долларга сотишга муваффақ бўлган.
Айни дамда Кардашьян рэпер Канье Уэстга турмушга чиққан. Улар тўрт фарзандни тарбиялаб келмоқда.
Холли Берри (3 марта турмуш қурган)
Берри биринчи турмуш ўртоғи билан 1992 йилда, баскетболчи Дэвид Жастис дастхат олиш учун унинг олдига келганида танишган. Илк учрашувдан кейин ярим йил учрашиб юрган жуфтлик, муносабатларини никоҳ ришталари билан боғлашга қарор қилади. Бироқ, уч йил ўтиб ажрашади.
Иккинчи марта Холли мухлиси эмас кумири Эрик Бенет билан оила қуришга қарор қилади, аммо ушбу турмиш ҳам узоққа бормайди ва эрининг қўл кўтаргани сабаб ҳаммасига нуқта қўйишга мажбур бўлади. 2005 йилда Эрик билан ажрашганига кўп бўлмаган Холли, жонига қасд қилмоқчи бўлган, ҳатто.
2016 йилда Берри, учинчи турмуш ўртоғи актёр фарзандининг отаси Оливье Мартинес билан ажрашишга муваффақ бўлади. Актрисанинг Гебрис Обридан бир қиз фарзанди бор.
Женнифер Лопес (3 марта турмуш қурган)
2004 йилда Марк Энтони, Жей Лонинг учинчи эри бўлишга муваффақ бўлган. Хонанданинг аввалги икки турмуши бир йилдан узоққа бормаган ва турмуш ўртоқлари унга муносиб бўлмаган: Охани Ноа офицант, Крис Жадд эса раққос бўлган.
Энтони ва Лопес эса бир-бири учун яратилгандек гўё — машҳурлик, ижодкорлик ва келиб чиқиши ҳам бир-бирига мос. Аслида жуфтлик 90 йилларнинг сўнгида ҳам учрашиб юрган, бироқ кейинчалик иккиси ҳам бошқа-бошқа йўлдан кетган. «Келинг рақсга тушамиз» фильми учун биргаликда куйланган саундтрек эса ўрталарида яна илиқлик пайдо бўлишига сабаб бўлган.
2008 йилда эгизак фарзанднинг ота-онаси бўлиш бахтига муяссар бўлган машҳурлар орадан уч йил ўтиб, ажрашиши ҳақида эълон қилади. Айни вақтда ҳеч ҳам қаримайдиган Женнифер, собиқ спортчи Алекс Родригес билан муносабатда.
Том Круз (3 марта турмуш қурган)
Том, актриса Мими Роджерс билан уч йил, Николь Кидман билан эса ўн йилдан кўпроқ бирга яшаган.
2006 йилда Круз, ёш актриса Кети Холмс билан турмуш қуради ва қиз фарзадли бўлади. Шунга қарамасдан, жуфтлик 2012 йилда ажрашади.
Алла Пугачёва (5 марта турмуш қурган)
Рус эстрадаси примадоннаси Алла Пугачёва, Филипп Киркоров билан турмуш қураётган вақти, паспортидаги оилавий аҳволи деган жойда муҳр учун жой қолмаган бўлган. Хонанда илк бор Миколас Орбакас билан турмуш қурган. 1971 йилда қизи Кристина Орбакайтени дунёга келтирган ва шу йилнинг ўзида ажрашишга ҳам улгурган.
Иккинчи марта режиссёр Александр Стефанович кейин бўлса Евгений Болдин билан оила қурган. Учинчи маротаба ажрашганидан кўп ўтмай, ўзидан 18 ёш кичик Филипп Киркоровга турмушга чиқади ва турмуш 2005 йилга қадар давом этади.
Шундан кейин ҳозирги турмуш ўртоғи Максим Галкинга эрга тегади. Жуфтликнинг бугунги кунда суррогат она томонидан дунёга келтирилган эгизак фарзанди бор.
Мелани Гриффит (4 марта турмуш қурган)
Актриса 1973 йилда «Харрад тажрибаси» фильмининг суратга олиш майдончасида Дон Жонсон билан танишади, орадан уч йил ўтиб турмуш қуради ва уч йил яшаб ажрашади. Улар 1989 йилда қайта турмуш қуради. Бунга қадар Мелани актёр Стивен Бауер билан оила қуриб ажрашишга ҳам улгурган.
Кейин бўлса, ўзидан уч ёш кичик Антонио Бандерос билан турмуш қуради. Бир қизи ва ўғли бўлган Гриффит, мазкур турмушидан ҳам қиз фарзандни дунёга келтиради.
2014 йилга келиб эса 56 яшар Мелани ва 53 яшар Антонио, 18 йил бирга яшаганидан кейингина муроса қила олмаганликларини тушуниб етади ва ҳаммасига нуқта қўяди.
Жан Клод Ван Дам (5 марта турмуш қурган)
Актёр биринчи марта Мария Родригес билан кейин бўлса, Синтия Дердериян билан турмуш қурган. Лекин, икки фарзандни дунёга келтирган Гледис Португес, Ван Дам ҳаётидаги асосий аёл бўлган.
Гледис, актёр ҳаётидаги турли қийинчиликлар: наркотик ва спиртли ичимликлар билан боғлиқ муаммоларда ёрдам берган.
Аммо 1994 йилда ҳаммасига якун ясалган ва актёр модель Дарси Ла Пьерга уйланган. Тўртинчи турмушидан кўнгли тўлмаган Жан Клод, 1999 йилда Португез билан қайта оила қурган.
Изоҳ (0)