Машҳур актёр бўлиш даромадли бизнес, лекин ҳамма ҳам бу чўққига чиқа олмайди. Қуйида кино юлдузларининг сўнгги йиллардаги энг катта гонорарлари ҳақида маълумот берамиз.
Том Круз — “Топ Ган: Мэверик”
Актёрни нафақат фильмда, балки ҳаётда ҳам энг яхши мерган деб аташ мумкин. Чунки кўпчилик у каби узоқни кўзлаб иш қилишни билмайди. Шартномага кўра, Том фильм сотувидан фоиз олади. Бу шуни англатадики, “Топ Ган” фильми суратга олиш ишлари тугаганидан кейин ҳам унга даромад келтиради, бу ҳозирда 100 миллион долларга баҳоланиши мумкин.
Кичик Роберт Дауни — “Қасоскорлар: абадият жанги”, “Қасоскорлар: финал”
Темир одам рекорд ўрнатишга қизиқмайди ҳам. У катта гонорар ўрнига узоқ муддатли суратга олиш ишларини ва, албатта, мухлисларининг муҳаббатини танлайди. “Қасоскорлар” фильмининг сўнгги икки қисми учун актёр ҳар биридан 75 миллион доллар — жами 150 миллион доллар гонорар олган.
Марго Робби — “Барби”
Мода қўғирчоғи ҳақидаги фильмнинг ажойиб муваффақияти нафақат томошабинларга завқ бағишлади, балки суратга олиш гуруҳини ҳам жуда хурсанд қилди. Масалан, Марго Робби лойиҳада иштирок этгани учун 50 миллион доллар олишга муваффақ бўлди.
Дэниел Крейг — “Қинидан чиққан пичоқлар”
Жеймс Бонд, албатта, шерикларни қандай танлашни билади. Ва у Netflix билан ҳам бундай ҳамкорликни қўлдан бой бермади. Севимли касби актёрга нафақат машҳурлик, балки муносиб даромад ҳам келтирди. Биргина “Қинидан чиққан пичоқлар” сериалининг сўнгги қисмида у тахминан 100 миллион доллар ишлаб топди.
Уилл Смит — “Қирол Ричард”
Мухлислар актёрни асосан комедик ролларда кўришга одатланган, аммо бу лойиҳада у бутунлай бошқа қиррасини очиб беради. Ҳақиқий уста ўзига муносиб бўлган гонорарни ҳам олди. Унга ушбу фильмдаги роли учун 40 миллион доллар берилди.
Изоҳ (0)