Aktyor Tom Kruz “Uddalab bo‘lmas topshiriq: yakuniy hisob-kitob” filmi suratga olinayotganda bajargan tryuklaridan biri bilan Ginnesning rekordlar kitobiga kiritildi. Aktyor yonib turgan parashyut bilan 16 marta sakragan. Bu haqda “Pravila jizni” xabar berdi.
Filmning bir sahnasida Tom Kruz ijro etgan qahramon Iton Hant ishdan chiqqan samolyotdan zaxira parashyutini olib, sakraydi. Uning asosiy parashyuti yonib ketadi, shuning uchun qahramon parashyut bog‘ichlarini kesib, oxirgi lahzada zaxira parashyutini ochadi.
Ushbu tryukni Kruzning o‘zi bajargan: u Janubiy Afrikadagi Ajdar tog‘larida 2 ming metrdan ziyod balandlikdagi vertolyotdan 16 marta sakragan. Har safar uning parashyuti yonuvchi suyuqlik bilan ho‘llangan va yoqilgan.
Ginnesning rekordlar kitobi Kruz “bir kishi tomonidan eng ko‘p yonayotgan parashyut bilan sakrash” bo‘yicha rekord o‘rnatganini e’lon qildi. “Tom bunday rekord o‘rnatgan yagona inson emas,” deydi rekordlar ma’lumotnomasi bosh muharriri Kreyg Glendey.
Avvalroq “Uddalab bo‘lmas topshiriq” franshizasining so‘nggi qismini suratga olish paytida Tom Kruzni qattiq charchoq tufayli qo‘lda olib ketishga majbur bo‘lishgan edi.
Izoh (0)