«Оскар» мукофоти совриндори Кейт Уинслет «Аватар: Сув йўли» фильмини суратга олиш жараёнида сув остида нафасни ушлаб туриш рекордини янгилади. Актриса 434 сония (етти дақиқа ўн тўрт сония) нафасини ушлаб турди.
Кейт Уинслет «Уддалаб бўлмас топшириқ-5» фильми учун сув остида роппа-роса олти дақиқа давомида нафасини ушлаб турган Том Крузнинг рекордини янгилашга муваффақ бўлди. Уинслет USA Today нашрига берган интервьюсида ҳазил билан Том Крузга раҳми келишини айтди:
«Бечора Том. Мен уни умуман танимайман, ҳаётимда учрашмаганман ҳам, бироқ мен унинг рекордини қандай янгилаганим ҳақидаги гап-сўзларни эшитиб тўйган бўлса керак, деб ўйлайман. Шундай бўлса ҳам, мен хурсандман. Мен ўзимнинг бу борада қанчалик яхши эканлигимга ҳайрон бўлдим ва яхшиланишда давом этаман», — дейди Кейт.
Круз янгиланган рекорд бўйича изоҳ бермади. Кейт Уинслет «Аватар» фильмининг давомида Пандора сайёрасидаги Наъви сув қабиласининг бошлиғи Ронал ролини ижро этган. Жеймс Кемероннинг «Аватар: Сув йўли» кинокартинаси биринчи қисм намойиш этилгандан 13 йил ўтиб, катта экранларга чиқди.
Мавзуга доир:
- Голливуд актёри Том Круз суратга тушаётган янги фильмидаги энг хавфли трюк ҳақида гапириб берди (видео).
- Том Круз мухлисларга «Топ Ган: Меверик»ни қўллаб-қувватлагани учун миннатдорлик билдирди ва самолётдан сакради (видео).
- Кейт Уинслет ва Леонардо Ди Каприо: Голливуднинг йиллар давомида синалган мустаҳкам дўстлиги тарихи.
- Кейт Уинслет 22 ёшида «Титаник»даги 17 ёшли Роузни гавдалантирган. Актрисанинг ўзи қаҳрамонининг ёшида қандай кўринишда эди? (фото).
Изоҳ (0)