Буюк Британия армияси янги мудофаа стратегияси доирасида жанговар ҳаракатларга доимий шайлик режимига ўтмоқда. Бу ҳақда мамлакат бош вазири Кир Стармерга таяниб Euronews хабар берди.
Стармер мудофаа харажатлари режасини тақдим этган. Вазир 12 та янги сувости кемаси ва ўқ-дорилар ишлаб чиқарувчи заводлар қурилиши ҳақида ҳам гапирган.
Биз Буюк Британияда камида олтита янги ўқ-дори ишлаб чиқарувчи завод қурмоқчимиз ва мингдан ортиқ иш ўринларини яратмоқчимиз. Биз Европанинг тийиб турувчи кучларини мустаҳкамлаш учун минглаб янги узоқ масофали қуролларни яратамиз ва яна 800 га яқин иш ўринларини таъминлаймиз, деган сиёсатчи.
Вазир ороллар хавфсизлигини ошириш учун ҳаво ва ракетага қарши мудофаага инвестициялар йўналтирилишини таъкидламоқда. Британия ҳукумати ядро каллакларини ишлаб чиқариш ва модернизация қилиш учун 15 миллиард фунт стерлинг (18 миллиард евро) ажратиш, сунъий интеллект ва киберхавфсизлик соҳасига сармоя киритиш ниятида.
Стармер Россияни “ҳақиқий таҳдид” деб атади ва можаронинг олдини олишнинг энг яхши йўли унга тайёргарлик кўриш эканини айтди.
Путиннинг Украинага ноқонуний бостириб киришининг оғир сабоқлари шуни кўрсатадики, ҳарбийлар уларнинг ортида турган саноат қанчалик кучли бўлса, шунчалик кучли, дейди Британия мудофаа вазири Жон Хили.
Биз рақибларимизни яхшироқ ушлаб туриш, мамлакатни уйда хавфсиз ва хорижда кучли қилиш учун Буюк Британиянинг саноат базасини мустаҳкамламоқдамиз, деган бош вазир.
Буюк Британия 2027 йилгача мудофаа харажатларини ЯИМнинг 2,5 фоизигача ошириш ниятида.
Изоҳ (0)