Миср, Қатар ва Бирлашган Араб Амирликлари 18 май куни Сомали пойтахти Могадишодаги ҳарбий база яқинида содир этилган худкушлик ҳужумини кескин қоралади. Бу ҳақда Anadolu хабар берди.
Миср Ташқи ишлар вазирлиги ўз баёнотида Дамаанё ҳарбий базаси яқинидаги ҳужумни қоралаган. Ҳалок бўлганларнинг оила аъзолари ва Сомали халқига ҳамдардлик билдирилиб, жароҳатланганларнинг тезроқ соғайиб кетиши тиланган.
Қатар Ташқи ишлар вазирлиги ҳам портлашни қоралаб, Доҳа зўравонлик ва терроризмнинг ҳар қандай кўринишига қарши туришини таъкидлаган.
Бирлашган Араб Амирликлари Ташқи ишлар вазирлиги худди шундай баёнот билан чиқиб, Сомали ҳукумати, халқи ва ҳалок бўлганларнинг оилаларига ҳамдардлик билдирган.
Маҳаллий манбаларга кўра, ҳужумчи Сомали миллий армиясига рўйхатдан ўтиш учун навбатда турган ҳарбийлар орасида портловчи моддаларни ишга туширган. Қурбонлар борлиги айтилди, аммо ҳеч бир гуруҳ жавобгарликни ўз зиммасига олмаган. Хавфсизлик чоралари кучайтирилган, тергов ҳаракатлари олиб борилмоқда.
Изоҳ (0)