Қатар АҚШ президенти Дональд Трампга 400 миллион долларлик Boeing 747-8 самолётини совға қилиши ҳақда хабар тарқалганди. Қўшма Штатлардаги Қатар дипломатик ваколатхонаси мазкур маълумотга муносабат билдирди. Бу ҳақда Politico хабар берди.
Ваколатхонанинг матбуот атташеси Али Ал-Ансорий АҚШ президентига бундай ҳадя берилиши ҳақидаги маълумотларни “ноаниқ” деб атади.
Самолётни Биринчи рақамли борт сифатида вақтинчалик фойдаланиш учун топшириш масаласи ҳозирда Қатар Мудофаа вазирлиги ва АҚШ Мудофаа вазирлиги ўртасида кўриб чиқилмоқда, бироқ бу масала тегишли юридик департаментлар томонидан ўрганилмоқда ва ҳеч қандай қарор қабул қилинмаган, дея тушунтирди дипломат.
BBC нашри таъкидлашича, Трампнинг ўзи Оқ уй раҳбари сифатидаги биринчи норезидентлик муддатида Қатар билан ижобий дипломатик алоқаларга эга бўлган. 2019 йилда мамлакат Америка самолётларини катта миқдорда сотиб олишини эълон қилганди.
Қатар аввал ҳам хусусий самолётларни совға қилган. Масалан, ҳашаматли самолёт 2018 йилда Туркияга совға қилинган. Ҳадя ҳақида Трамп келаси ҳафта Қатарга борганида эълон қилиниши кутилмоқда. АҚШ президенти февраль ойида ҳашаматли безаклари туфайли “учар сарой” деб ном олган самолётни Вест-Палм-Бич аэропортида турганида кўздан кечирган эди.
Экспертларнинг ҳисоб-китобларига кўра, самолётнинг нархи алоқани ҳимоя қилиш учун қўшимча ускуналарни ҳисобга олмаганда тахминан 400 миллион долларни ташкил этади.
Изоҳ (0)