New York Post хабарига кўра, Дензел Вашингтон Канн кинофестивалида фотограф билан жанжаллашди.
“Жаннат ёки дўзах” фильми премерасига бағишланган қизил гиламда актёр унинг қўлига ногаҳон тегиб кетган фотографга қарата қўпол сўзлар айтди. Лаб ҳаракатларини ўқиш бўйича мутахассис Жереми Фрименнинг айтишича, актёр қуйидагиларни айтган: “Менга рухсат бер, айтай: тўхта, тўхта, ҳеч қачон менга тегма. Мен сен билан гаплашяпман, тўхта, яхшими?”. Можаро Дензелнинг ёнида турган қўшиқчи А$AP Роккининг аралашуви туфайли давом этмади.
Нохуш вазиятга қарамай, кеча актёр учун яхши ўтди, чунки унга жаҳон кинематографияси ривожига қўшган улкан ҳиссаси учун фахрий “Олтин палма япроғи” топширилди.
Дензел Вашингтон “Буюк тенглаштирувчи”, “Тафсилотлардаги иблис” ва “Жасорат” фильмларидаги роллари билан машҳур. У биринчи марта 1990 йилда “Жасорат” фильмидаги иккинчи даражали энг яхши эркак роли учун “Оскар” мукофотини, 12 йил ўтгач, “Ўқув куни” фильмидаги энг яхши эркак роли учун иккинчи ҳайкалчани қўлга киритган.
Изоҳ (0)