Туркманистонда турмуш қурган аёллар энди ишга сариқ кўйлакда, турмушга чиқмаганлар эса сариқ рўмол ўраб бориши керак. Бу ҳақда “Озодлик радиоси” хабар берди.
Нашр маълумотларига кўра, Ашхободдаги турмушга чиқмаган туркман аёлларига иш жойида сариқ рўмол ўрашлари кераклиги айтилган. Қайд этилишича, уларнинг раҳбарияти “саволларга жавобан елка қисиб қўйган”. Аёлларга “буйруқ юқоридан келгани” ҳақида хабар берилган.
Фармойиш март ойи бошида пайдо бўлди, турмушга чиққан аёллардан ишга сариқ кўйлакда боришни талаб қилишди. Кийим ранги бўйича янги қоидага риоя қилмаганларни ишдан бўшатиш билан таҳдид қилишди, дейилади нашр хабарида.
Таъкидланишича, рўмоллар тўғрисидаги қоида кучли хусусий реакцияга сабаб бўлган.
Бу қачон тугайди? Аёлларнинг қадр-қимматини камситиш қачон тўхтайди?, дея хавфсизлик нуқтайи назаридан исми сир қолишини истаган маҳаллий фуқаронинг сўзларидан иқтибос келтиради нашр.
2022 йил Туркманистонда кўкрак ва лабни катталаштириш ёки татуаж каби баъзи косметик жарроҳликлар тақиқланган эди. Тирноқ ва киприк ўстирган аёллар кўчаларда оммавий қўлга олинаётгани хабар берилган. Аёллар уларни олдириб ташлашга ва катта жарималар тўлашга мажбурланган.
Давлат корхоналари ходималарига ишдан бўшатилиш таҳдиди билан косметикадан воз кечиш ҳақида тилхат ёздирилган. Мактабларда катта синфда ўқувчи қизлар билан маникюр ва педикюр ножоизлиги тўғрисида “тушунтириш ишлари” олиб борилган. Давлат транспорт компанияларида ишлайдиган ўнлаб стюардессалар ва проводник аёллар кўкрак имплантлари қўйдиргани ва лабини шиширгани учун ишдан бўшатилган.
Аёлларнинг ташқи кўриниши борасидаги қатъий чекловлар аввал, Гурбангули Бердимуҳамедов президентлиги даврида ҳам вақти-вақти билан эълон қилиб турилган. Аммо уларнинг ижроси устидан қатъий назорат бўлмаган.
Изоҳ (0)