Россиянинг иккита йўловчи самолёти бир сутка ичида ҳавода носозликка учради. Ҳодиса вақти иккала самолётда 150-160 нафардан йўловчи бўлган.
18 май куни Новосибирскдан Иркуцкка парвозни амалга ошираётган S7 Airlines авиакомпаниясининг Boeing 737-800 самолёти техник носозлик туфайли парвоздан сўнг дарҳол аэропортга қайтган. Бортда 160 нафар йўловчи бўлган. Қўнишдан кейин учоқ парвозлардан четлаштирилган.
Рейсни бажариш учун захира борт ажратилган. Прокуратура ҳодиса тафсилотларини текширишни бошлаган. Aviaincident профил Telegram канали маълумотларига кўра, парвоздан сўнг экипаж шасси йиғиштирилмагани ҳақида хабар берган ва олдиндан ёқилғи ишлаб чиқариб, Толмачево аэропортига қайтишга қарор қилган.
Самолёт ҳавога кўтарилгач, экипаж шасси йиғилмаганини билдирган ва ёқилғини сарфлаб бўлгач, Толмачёво аэропортига қайтишга қарор қилган, дейилади Aviaincident Telegram канали хабарида.
17 май куни эрталаб соат 6 атрофида Горно Алтайскдан Москвага учаётган 150 нафар йўловчига эга S7 авиакомпаниясининг яна бир самолёти техник сабабга кўра Новосибирскка фавқулодда қўнган. “Авиаторшина” каналининг ёзишича, парвоз бошланганидан ярим соат ўтиб, 10,9 минг метр баландликда Airbus А320 экипажи чап двигатель ишдан чиққанини диспетчерларга маълум қилган.
Натижада ҳаво кемаси командири Новосибирскда қўнишга қарор қилган. Қўниш муваффақиятли ўтган, ҳеч ким жабрланмаган. Мазкур самолёт ҳам парвозлардан четлаштирилган. Йўловчилар захира самолётида Москвага жўнатилган.
Украинага бостириб киришдан кейин Россияга қарши халқаро авиация санкциялари Россия ташувчилари паркининг техник ҳолати сезиларли даражада ёмонлашишига олиб келди. Биргина 2024 йилнинг 11 ойида 208 та авиаҳалокат содир бўлди. Бу 2023 йилга нисбатан чорак баравар кўп, дея ҳисоблайди “Новая газета Европа”. Бунда деярли ҳар иккинчи ҳолат двигателларнинг ишламай қолиши ёки шассининг бузилиши билан боғлиқ бўлган.
Март ойида “Ростех” давлат корпорацияси раҳбари Сергей Чемезов яқин йилларда Россия авиакомпаниялари паркда қолган камида 200 та хорижий самолётни ҳисобдан чиқариши кераклиги ҳақида огоҳлантирганди. Муаммо кўлами ҳақида “Росавиация” маълумотлари ҳам гувоҳлик беради.
Унинг раҳбари Дмитрий Ядровга кўра, авиаташувчилар аллақачон 58 та хорижий самолётдан фойдаланиш имконияти йўқлиги сабабли маҳрум бўлган. Умуман олганда, мавжуд Ғарб лайнерлари флотининг 30 фоизи — бугунги кунда мамлакат ичидаги йўловчи авиаташувларининг 90 фоизини таъминлайдиган 700 га яқин Boeing ва Airbus самолётлари хавф остида.
Изоҳ (0)