Бухорода Ў‌збекистон—Германия руҳий саломатлик анжумани ўтказилади

Бухорода Ў‌збекистон—Германия руҳий саломатлик анжумани ўтказилади, деб хабар бермоқда ССВ. 

Унга кўра, 19—24 февраль кунлари Республика ихтисослаштирилган руҳий саломатлик илмий-амалий тиббиёт маркази раҳбарияти Германияда бўлди. Ташриф давомида Германия Федерал Соғлиқни сақлаш вазирлигининг руҳий саломатлик масалалари бўйича катта мутахассиси Мануела Шуман ва Федерал ҳукумат комиссари доктор Ян Фейрманн иштирокида психиатрия, наркология, психотерапия, тиббий психология ва реабилитация масалаларида мулоқот ўтказди. Хизмат сафари давомида: 

• Шарите университети клиникаси;
• Германия руҳий саломатлик маркази;
• Бонн университети клиникаси;
• Ушцпринг Салус клиникаси;
• Салус Линдов реабилитация маркази мутахассислари билан ҳамкорликни йўлга қўйиш келишиб олинди. 

Шунингдек, шу йилнинг 7—8 май кунлари Бухорода Ў‌збекистон—Германия руҳий саломатлик анжуманини ўтказиш бўйича келишувга эришилди.