Машҳурлар дўстлиги ҳар доим ҳам абадий эмас. Ҳатто энг содиқ кўринганлар ҳам бир кун келиб бир-бирининг ҳаётидан чиқиб кетади. Улар бир пайтлар ажралмас, саҳнада ёнма-ён, интервьюларда бир-бирини “оила” деб аташган бўлса-да, вақт ўтиши билан илиқ муносабатлар совуққонликка, дўстона қучоқлар эса ижтимоий тармоқлардаги unfollow’ларга айланган.
Тейлор Свифт ва Карли Клосс: опа-сингилдек муносабатдан бегонагача
Бир пайтлар Тейлор Свифт ва Карли Клосс ажралмас дугоналар эди: улар Vogue муқоваси учун суратга тушишар, бирга саёҳатларга чиқишар, турли кечаларда бирга бўлишар эди. Тейлор Карлини “синглим” дерди. Аммо барчаси тўсатдан — жанжалсиз, хайрлашувсиз постларсиз якун топди. Эътиборли мухлислар буни дарҳол сезди: улар бир-бирини байрамларда табрикламай, оммада кўринмай қўйди, ижтимоий тармоқларда эса сукунат ҳукмрон.
Баъзилар уларнинг ажралиш сабабларига Свифт альбомларини сотиб олган продюсер Скутер Браун билан боғлиқ зиддият ёки шахсий маълумотлар тарқалиши сабаб бўлган деб гумон қилади. Айрим мухлислар Тейлорнинг Itʼs Time to Go қўшиғини “сохта сингил” воқеасига ишора деб билишади. Аммо Карли ҳам, Тейлор ҳам бу ҳақда очиқ-ойдин ҳеч нарса демаган.
Селена Гомес ва Франсия Райса: ҳаётни сақлаб қолган, аммо синовларга бардош бермаган дўстлик
Селена Гомес ва Франсия Райса воқеаси шоу-бизнес оламида ноёб, самимий дўстлик намунаси эди. Улар 2007 йилда танишишган, 2017 йилда эса Франсия Гомесга буйрагини бериб, унинг ҳаётини сақлаб қолган. Селена бу ҳақда ўзининг миннатдорлик пости билан бутун дунёни ларзага келтирган, мухлислар эса Франсия ни қаҳрамон деб аташган. Уларнинг риштаси барчага абадийдек туюлган.
Аммо вақт ўтиши билан бу дўстлик синди: уларнинг бирга тушган суратлари ижтимоий тармоқлардан ўчириб ташланди. Бир интервьюда Селена ўзининг ягона дўсти деб Тейлор Свифтни атади. Франсия эса бунга “Жуда қизиқ”, деган жавоб билан ижтимоий тармоқларда ундан обунани бекор қилди. Мухлислар тахминича, Франсия нинг ранжишига гўёки Селена буйрагини қадрламай, ичкилик ичаётгани сабаб бўлган. Гомес эса доим миннатдорлигини билдириб келади, Райси ҳам уларнинг орасида адоват йўқлигини айтади, аммо улар ортиқ гаплашишмайди.
Ким Кардашьян ва Ларса Пиппен: можаролар ўрнига сукунат ва беписандлик
Ким Кардашьян ва Ларса Пиппен дўстлиги “Умидсиз уй бекалари” сериалига ўхшаш Голливуд драмасидек бўлди. Улар йиллар давомида ажралмас эди, Ларсага ҳатто Кардашьянлар оиласининг бир қисми деб қараларди. Аммо 2020 йилда Ким, Хлоя, Кортни ва ҳатто Кайли биргаликда Ларсани ижтимоий тармоқларда unfollow қилишди. Ула бунга ҳеч қандай изоҳ бермай, сукут сақлади. Кейинчалик Ларса интервьюда Кимнинг собиқ турмуш ўртоғи Канье Уэстни айблади, гўёки у Кимга босим ўтказиб, уларнинг дўстлигига қарши қўйган. Кардашьяндан эса жавоб бўлмади.
Қизиғи шундаки, Ким билан ажралгач, Ларса оммавий ахборот воситаларида фаолроқ кўрина бошлади: янги реалити-шоуда иштирок этди, Майкл Жорданинг ўғли билан ишқий муносабат бошлади ва “янги Ким” деган лақабни олди. Аммо Кардашьянлар оиласига кириш йўли унга ёпиқлигича қолди.
Деми Ловато ва Дани Витале: қарамлик дўстликни енгди
Деми Ловато ва Дани Витале ҳамкасбликдан ташқари, яқин дўстлар эди. Дани хореограф ва креатив директор сифатида Деми билан гастролларда бирга бўлган, аммо 2018 йил ёзида Деми ҳаддан ташқари дозада наркотик модда қабул қилиб, ўлимдан омон қолганидан кейин ҳаммаси ўзгарди. У бир кечада дўстлари билан бўлган, кетгач эса наркодилерни чақирган, бу ҳақда хонанда кейинроқ ўзи сўзлаб берган. Сўнг Ловатонинг мухлислари Дани Виталени гиёҳванд моддалар билан таъминлашда айблади ва ижтимоий тармоқларда таҳдид қилишди.
“Dancing with the Devil” ҳужжатли фильмида Ловато Данига ўз фикрини айтишга имкон берди. Дани ишсиз қолганини, тазйиқ ва депрессияга тушганини тан олди. Улар мулоқотни тиклаган бўлса-да, аввалгидек дўст бўла бўлмади. Дани бошқа санъаткорлар билан ишлашда давом этди.
Меган Фокс, Брайан Остин Грин ва Мачине Гун Келлй: жанжаллар тугамаганда
Токсик муносабатлар нафақат собиқ дугоналар, балки собиқ эрлар ва йигитлар ўртасида ҳам бўлади. Меган Фокс бундай ҳолатни икки марта бошидна кечирган: у уч фарзандининг отаси Брайан Остин Грин билан ажрашган, кейинчалик Мачине Гун Келлй (Колсон Бейкер) билан ишқий муносабатда бўлган. Грин билан 10 йилдан ортиқ бирга яшаган, аммо муносабатлари оғир бўлган: рашк, тазйиқлар, ёш тафовути туфайли оилада тинчлик бўлмаган. Меган эса ҳали ажрашмай туриб Бейкер билан учрашган ва шундан кейин катта можаролар бошланган.
2020 йил кузида Брайан ўғли билан тушган суратни жойлади, Меган эса уни одамлар кўз ўнгида “яхши ота” имижини яратиш учун ўғлидан фойдаланганликда айблади. Интернетда бу можарога Бейкер ҳам аралашди. Фокс билан хиёнат туфайли ажралишгач, Грин билан можаролари яна авж олди. Оддий туғруқ ҳақидаги саволдан бошланган гап, ҳақоратлар ва шахсий ёзишмаларни фош қилиш билан якун топди.
Изоҳ (0)