Хонанда ва актриса Селена Гомес ўзининг қаллиғи, мусиқий продюсер Бенни Бланко билан ҳамкорликдаги “I Said I Love You First First” номли янги альбоми премераси муносабати билан “12 Days of Really Rare Stuff” (“Ҳақиқатан ҳам ноёб буюмларнинг 12 куни”) кампаниясини бошлади. Унга кўра, Селена ҳар куни мухлислари билан ноёб хотираларни ўртоқлашади ва уларга рамзий совғалар тақдим этади.
Машҳурлар одатда қимматбаҳо буюмларини кимошди савдосида катта пулларга сотишади. Бироқ Гомес барчани ҳайратда қолдирган ҳаракатни амалга оширди — у асл нархи 3250 АҚШ доллари бўлган Jacquie Aiche узугини атиги 12 долларга сотди. Тақинчоқ хонанданинг Бланко билан ишқий муносабатларини тасдиқлаш учун 2023 йил декабрь ойида ижтимоий тармоқларга жойлаштирилган эди. “B” ҳарфи билан безатилган узук ягона нусхада ишлаб чиқилган.
“#12DaysofReallyRareStuff ҳаракатининг биринчи кунида муносабатларимиз бошлангани ҳақида эслатиб турувчи буюмни танлаш мақсадга мувофиқ бўлиб деб ўйладим”, деб ёзади хонанда эълонда.
Кампаниянинг иккинчи кунида Селена мухлисларга дизайни устида ўзи иш олиб борган 395 долларлик сумкани ютиб олиш имкониятини берди. Баъзилар буни Селена Гомеснинг ажойиб маркетинг стратегияси деб ҳисоблашса, бошқалар унинг мухлисларига бўлган самимий ҳурмати сифатида қабул қилишмоқда.
Изоҳ (0)