“Дўстлар” сериали юлдузи, актриса Женнифер Энистон Селена Гомес ва Бенни Бланконинг бўлажак тўй маросимини ўтказиш бўйича ўз ёрдамини таклиф қилди. Бу ҳақда “KinoMail.ru” сайти HeatWorld’га таяниб хабар бермоқда.
Нашрда қайд этилишича, Энистон ва Гомес анча вақтдан бери опа-сингилдек илиқ муносабатда. Гомес ва Бланконинг унаштирилганидан хабар топгач, Женнифер бўлажак келинни яқинлашиб келаётган тўйи билан табриклади ва унга гуллар ҳамда совға-саломлар юбориб, никоҳ маросимини ташкиллаштиришда ёрдам бериш таклифини берди.
“Аввалроқ Энистон бир нечта тўй базмларини шахсан ўзи ташкиллаштирган, шу сабабли актриса жуда қувончли, аммо масъулиятли иш ҳақида етарли тажрибага эга. Шубҳасиз, Селена ундан керакли маслаҳатларни олишдан хурсанд бўлади”, деб ёзади инсайдерлар.
HeatWorld маълум қилишича, хонанда Селена Гомес ва продюсер Бенни Бланконинг тўйи Пуэрто Рикода бўлиб ўтади, чунки хонанданинг қаллиғи ўша ерда туғилиб ўсган. Маросимда келин-куёвнинг яқин қариндошлари, дўстлари, хорижий юлдузлар, жумладан, Тейлор Свифт, Блейк Лайвли ва Мерил Стрип кабилар иштирок этиши режалаштирилган.
Аввалроқ Селена Гомес ўзининг Instagram саҳифасида унаштирилганини эълон қилган эди.
Селена ўзининг ҳамкасби, мусиқий продюсер Бенни Бланко билан танишганига ўн йилдан ошган, аммо жуфтлик расман бирга эканини 2 йил аввал оммага маълум қилган. Бланко хонанданинг энг ҳит қўшиқларига продюсерлик қилган. Жумладан, 2015 йилда Селена ва Бенни биргаликда “Same Old Love”, 2021 йилда “I Can’t Get Enough” каби машҳур тароналар устида ишлаган.
Изоҳ (0)