Марк Цукерберг АҚШнинг Вашингтон (Колумбия округи) шаҳридаги нуфузли ҳудудлардан бирида ўзига ҳашаматли уй сотиб олди. Бу ҳақда New York Post нашри хабар берди.
Майдони 15 400 квадрат мерт бўлган ушбу уй архитектор Роберт Гурни томонидан лойиҳалаштирилган бўлиб, унда анъанавий ва замонавий услублар уйғунлашган. Қизил ғиштдан қурилган учта бинони шиша йўлаклар боғлаб туради. Бир акр майдонга эга ҳовлида баскетбол майдончаси, бассейн, мевали боғ ва барбекю зонаси мавжуд.
Хонадон ландшафт дизайни билан шуғулланган Campion Hruby Landscape Architects компаниясининг вакили Кевин Кемпионнинг айтишича, мазкур хонадон ёпиқ ва махфий тузилиши туфайли тинчлик ва аҳолидан узоқликни сақлашга ёрдам беради. Уйнинг қиймати эса 23 миллион доллар деб баҳоланмоқда.
Қайд этиш лозимки, мазкур битим шаҳарда амалга оширилган энг қимматбаҳо учта шартномалардан бири бўлди. Уй расман сотилгач, унинг сурати “Google Maps”дан ўчириб ташланган.
Изоҳ (0)