“Барселона” собиқ ҳимоячиси Дани Алвес якуний ҳукм чиққунига қадар гаров эвазига озодликка чиқади.
Аввалроқ, Алвес жинсий зўравонликда айбланиб, 4,5 йиллик қамоқ жазосига ҳукм қилинганди. Шунингдек, футболчи жабрланувчига 150 минг евро тўлаши ва 9,5 йил давомида унга яқин йўламаслиги белгиланган.
Футболчи томони аппеляция берган. Шундан сўнг, Алвес ҳукм кучга киргунига қадар қамоқдан озод этилишини сўраган: “Мен қочиб кетмайман, адолатга ишонаман”.
Marca нашрининг хабарига кўра, Барселона суди собиқ футболчини озодликка чиқишига рухсат берган. Бунинг учун Дани гаров эвазига бир миллион евро тўлаши керак бўлади.
Дани Алвес 2008 йилдан 2016 йилга қадар, 2021 йилдан 2022 йилгача “Барселона” шарафини ҳимоя қилган. Ҳимоячи каталонияликлар сафида 408 та ўйин ўтказиб, 23 та соврин қўлга киритган.
Изоҳ (0)