“Барселона” собиқ футболчиси Дани Алвеснинг вакиллари унинг ўз жонига қасд қилгани ҳақидаги хабарларга изоҳ берди.
Бразилиялик журналист Пауло Албукерке ижтимоий тармоқларда, Алвес ўз жонига қасд қилгани ҳақида ёзганди.
Бироқ Марсело Бехлер бу хабар ёлғонлиги, Данининг вакиллари буни рад этганини айтиб ўтди.
Аввалроқ, Алвес жинсий зўравонликда айбланиб, 4,5 йиллик қамоқ жазосига ҳукм қилинганди. Шунингдек, футболчи жабрланувчига 150 минг евро тўлаши ва 9,5 йил давомида унга яқин йўламаслиги белгиланган.
Дани Алвес 2008 йилдан 2016 йилга қадар, 2021 йилдан 2022 йилгача “Барселона” шарафини ҳимоя қилган. Ҳимоячи каталонияликлар сафида 408 та ўйин ўтказиб, 23 та соврин қўлга киритган.
Изоҳ (0)