“Барселона” собиқ ҳимоячиси Дани Алвес тез орада озодликка чиқади.
Эслатиб ўтамиз, Алвес жинсий зўравонликда айбланиб, 4,5 йиллик қамоқ жазосига ҳукм қилинганди. Шунингдек, футболчи жабрланувчига 150 минг евро тўлаши ва 9,5 йил давомида унга яқин йўламаслиги белгиланган. Шунингдек, ҳукм чиққунига қадар 1 миллион евро гаров эвазига озодликка чиқиши айтилганди.
Telecinco нашрининг хабарига кўра, Алвес керакли суммани тўплаган. Пул суд ҳисобига ўтказилган, энди собиқ футболчи озодликка чиқарилади.
Аввалроқ, ушбу пулни Неймарнинг оиласи тўлаб бериши хабар қилинганди. Бироқ, Неймарнинг отаси бу хабарларни рад этган. Ундан сўнг Дани кредит олиб, пулни тўлаши айтилган эди.
Дани Алвес 2008 йилдан 2016 йилга қадар, 2021 йилдан 2022 йилгача “Барселона” шарафини ҳимоя қилган. Ҳимоячи каталонияликлар сафида 408 та ўйин ўтказиб, 23 та соврин қўлга киритган.
Изоҳ (0)