“Barselona”, “Yuventus” va Braziliya terma jamoasi sobiq himoyachisi Dani Alves 405 kun qamoqda saqlangani uchun 20 ming yevro miqdorida kompensatsiya olishi mumkin. Bu haqda Marca nashri xabar bermoqda.
Manbaga ko‘ra, Oliy sud jinsiy zo‘ravonlik ishi bo‘yicha chiqarilgan dastlabki hukmni bekor qilgani sababli, braziliyalik futbolchi qamoqda o‘tkazgan kunlari uchun to‘lov talab qilish huquqiga ega.
Shuningdek, Alves Meksikaning “Pumas” klubidan ham 2 million yevro undirish niyatida. Agar u aybsiz deb topilsa, shartnomaning muddatidan oldin bekor qilinishi asossiz deb hisoblanishi mumkin.
Eslatib o‘tamiz, 2024-yil boshida Dani Alves jinsiy zo‘ravonlikda ayblanib, 4,5 yil muddatga ozodlikdan mahrum etilgandi. Futbolchi bir necha marta sudga appelyatsiya berdi. Uning oxirgi eʼtirozi o‘rinli deb topildi va futbolchi muddatidan avval ozodlikka chiqarildi.
Izoh (0)