Футбол бўйича Ўзбекистон Суперлигасининг 3-туридан ўрин олган навбатдаги баҳслар 28 март, жума куни бўлиб ўтди.
Унда Тошкентнинг “Бунёдкор” клуби Сурхондарёнинг “Сурхон” клубини қабул қилди. Учрашув мезбонлар устунлигида бошланди ва натижа ҳам шунга яраша бўлди.
44-дақиқага келиб Луис Качорри ҳисобни очди. Иккинчи бўлим ҳам тошкентликлар устунлигида ўтди. 73-дақиқага келиб Имеда Ашортиа пенальтидан ҳисобни иккитага оширди.
90-дақиқа ўтиб бораётган паллада Качорри дублга эришди. Учрашувнинг энг сўнгги дақиқасида бош ҳакам “қалдирғочлар” дарвозаси томон пенальти белгилади. Ундан “Сурхон” аъзоси Муҳаммадали Абдураҳмонов унумли фойдаланди.
Изоҳ (0)