Профессионал футбол лигаси мутасаддилари ҳамда “Сурхон” клуби раҳбарияти, Сурхондарё вилоят футбол ассоциацияси вакиллари ва вилоятнинг қатор ташкилотлари раҳбарлари Сурхондарёдаги стадионда бўлишди. Учрашув давомида майдоннинг 2024 йилги мавсумда ишга туширилиши масаласини муҳокама қилинган эди.
Айни вақтда клуб раҳбарияти “Сурхон” аренасини пардозлаш, унга ВАР техникасини олиб келиш устида иш олиб бормоқда. Ўз навбатида Лига 2024 йилги мавсумнинг ўзида бир нечта учрашувни Термизда ўтказиш ва 2025 йилдан бошлаб барча учрашувларни мазкур аренада ўтказиш режаларини ишлаб чиқмоқда.
“Стадион билан боғлиқ таъмирлаш ишлари сабаб “Сурхон” клуби бир неча мавсумни Тошкентда ўтказишга мажбур бўлди. Бу борада клуб раҳбарияти “Пахтакор” стадионидан фойдаланиб келаётганди. Эндиликда пойтахтдаги яна 2 та стадион Суперлига талабларига мослаштириш сабаби билан ёпилди. Шундан келиб чиқиб, Сурхон Термиздаги арена тўлиқ тайёр бўлгунига қадар бир нечта учрашувни Самарқанд шаҳридаги Динамо стадионида ўтказади”, дейилади ПФЛ матбуот хизмати хабарида.
Аввалроқ “Локомотив” клуби стадион таъмири сабаб ўзининг Суперлигадаги учрашувларини “Бунёдкор” майдонида ўтказилиши маълум бўлганди.
Изоҳ (0)