Сурхондарё вилоятининг Денов туманида яшовчи фуқаролар Р.Ш. ва Э.А. томонидан Сурхон дарёси ўзанидан ноқонуний равишда қум-шағал хом ашёси юк техникасига юкланаётгани аниқланди. Бу ҳақда Экология вазирлиги хабар берди.
Ҳолат юзасидан ҳуқуқбузарларга нисбатан маъмурий баённома расмийлаштирилиб, ҳар бирига 11 млн 250 минг сўмдан жарима белгиланди.
Шунингдек, табиатга 8 млн 709 минг 120 сўм миқдорида зарар етказилгани маълум бўлди. Ҳуқуқбузарлар жами 31 млн 209 минг 120 сўм миқдорида товон тўлайдиган бўлди.
Назорат тадбирлари давом эттирилмоқда.
Дарёлар ўзанларидаги норуда материалларни қазиб олишга муддатсиз мораторий жорий этилган
Президент фармони билан Чирчиқ, Сангзор, Зарафшон, Норин, Қашқадарё, Сурхондарё ва Сирдарё дарёлари ўзанларидаги норуда материалларни қазиб олишга 2024 йил 1 майдан муддатсиз мораторий жорий қилинди. Ноқонуний қазиб олиш ишлари натижасида табиатга етказилган зарар учун жавобгарлик ҳам кучайтирилди.
Шунга қарамай, ноқонуний қум-шағал қазиб олиш давом этмоқда. 12 февраль куни Сурхондарё ва Тошкент вилоятларида табиий қум хомашёсини ўзбошимчалик билан қазиб олиш ҳолатлари фош этилди. Тошкент вилояти Бекобод туманида ноқонуний равишда қум қазиб олиниши оқибатида табиатга 100 миллиард сўмдан ортиқ зарар етказилди.
13 январда Самарқанднинг икки ҳудудида қум-шағал қазиб олиниши оқибатида табиатга 826 миллиард сўм зарар етказилганди.
Изоҳ (0)