Ўзбекистон Суперлигаси ва Про лигасида ўйнаётган футболчиларнинг нархлари Transfermarkt порталида янгиланди.
“Насаф” дарвозабони Абдувоҳид Неъматовнинг нархи 600 минг еврога кўпайди. Шунингдек, Акмал Мозговой (“Насаф”), Люпчо Дориев (“Сўғдиёна”) ва Абдуғафур Ҳайдаров (“Сурхон”)нинг нархлари 300 минг еврога ошди.
Бундан ташқари, “Динамо” аъзоси Жоэл Кожонинг нархи 250 минг еврога ошган.
Нархи энг кўп камайган футболчилар орасида Сардор Собирхўжаев (“Пахтакор”) ва Иброҳим Йўлдошев (“Навбаҳор”) етакчи – 200 минг евродан.
Шунингдек, Дилшод Саитов (“Пахтакор”), Асадбек Собиржонов (“Металлург”) ҳамда Тимур Мамасидиқов (“Локомотив”)нинг трансфер нархлари 150 минг еврога пасайган.
Суперлигада энг қиммат футболчи – Абдувоҳид Неъматов бўлди. Унинг трансфер нархи 1,5 млн еврони ташкил этади. Акмал Мозговой 1,3 млн евро.
Шундай қилиб, эндиликда Ўзбекистон Суперлигасида нархи 1 млн ва ундан кўп бўлган 6 нафар футболчи мавжуд.
Изоҳ (0)