Ҳиндистон ҳукумати Жанубий Кореянинг Samsung компаниясидан электрон ускуналарни етказиб беришда бож тўловларидан қочганлик учун 601 миллион доллар миқдоридаги солиқ қарзи ва жарималарни тўлашни талаб қилмоқда. Бу ҳақда The Economic Times нашри ҳукумат манбаларига асосланиб хабар бермоқда.
Бундай миқдордаги солиқ ва жарималар Ҳиндистон ҳукумати томонидан сўнгги йилларда экспорт қилувчи компанияларга қўйилган энг йирик талаблардан бири ҳисобланади. Солиқ талаби Samsung’нинг 2024 йилда Ҳиндистонга маиший электроника, смартфонлар ва бошқа товарларни етказиб беришдан олган 955 миллион долларлик соф фойдасининг катта қисмига тааллуқлидир.
2023 йилда Ҳиндистон ҳукумати Samsung’ни мобил алоқа минораларида ишлатиладиган муҳим компонентларни Ҳиндистоннинг Reliance Jio компаниясига етказиб беришда 10 фоиздан 20 фоизгача бўлган божхона тўловларини тўлашдан қочиш мақсадида импортни нотўғри таснифлагани учун огоҳлантирганди. Бироқ ўшанда жанубий кореялик етказиб берувчи Ҳиндистон солиқ хизматларини шу муносабат билан бошланган текширувни тўхтатишга ишонтиришга эришганди.
Бундан ташқари, Volkswagen 1,4 миллиард долларлик солиқ тўлови ҳақида огоҳлантирилган. Kia компаниясида эса нотўғри таснифланган импорт туфайли 155 миллион долларлик солиқ муаммоси мавжуд. Vodafone компаниясига 2 миллиард долларлик солиқ талаби қўйилган.
Изоҳ (0)