Hindiston hukumati Janubiy Koreyaning Samsung kompaniyasidan elektron uskunalarni yetkazib berishda boj to‘lovlaridan qochganlik uchun 601 million dollar miqdoridagi soliq qarzi va jarimalarni to‘lashni talab qilmoqda. Bu haqda The Economic Times nashri hukumat manbalariga asoslanib xabar bermoqda.
Bunday miqdordagi soliq va jarimalar Hindiston hukumati tomonidan so‘nggi yillarda eksport qiluvchi kompaniyalarga qo‘yilgan eng yirik talablardan biri hisoblanadi. Soliq talabi Samsung’ning 2024-yilda Hindistonga maishiy elektronika, smartfonlar va boshqa tovarlarni yetkazib berishdan olgan 955 million dollarlik sof foydasining katta qismiga taalluqlidir.
2023-yilda Hindiston hukumati Samsung’ni mobil aloqa minoralarida ishlatiladigan muhim komponentlarni Hindistonning Reliance Jio kompaniyasiga yetkazib berishda 10 foizdan 20 foizgacha bo‘lgan bojxona to‘lovlarini to‘lashdan qochish maqsadida importni noto‘g‘ri tasniflagani uchun ogohlantirgandi. Biroq o‘shanda janubiy koreyalik yetkazib beruvchi Hindiston soliq xizmatlarini shu munosabat bilan boshlangan tekshiruvni to‘xtatishga ishontirishga erishgandi.
Bundan tashqari, Volkswagen 1,4 milliard dollarlik soliq to‘lovi haqida ogohlantirilgan. Kia kompaniyasida esa noto‘g‘ri tasniflangan import tufayli 155 million dollarlik soliq muammosi mavjud. Vodafone kompaniyasiga 2 milliard dollarlik soliq talabi qo‘yilgan.
Izoh (0)