UzAuto Motors: муҳим йўналишлардаги халқаро тажриба

“Ўзавтосаноат” АЖ тузилмасига кирувчи асосий компаниялардан бири – UzAuto Motors Ўзбекистоннинг йирик ишлаб чиқарувчиси бўлиб, дунёдаги йирик автомобиль компанияларидан юқори малакали халқаро мутахассисларни жалб қилиш бўйича фаол сиёсат олиб бормоқда.

Шундай қилиб, айни пайтда UzAuto Motors'нинг 5 асосий йўналишини юқори тажрибага эга халқаро экспатлар бошқаради.  

Аарон Дейл Жонс

UzAuto Motors ижрочи директорининг таъминот тизими ва логистика бўйича ўринбосари.

Аарон Дейл Жонс автомобилсозлик соҳасида қарийб ярим асрлик тажрибага эга, у ўз фаолиятини 1976 йилда энг йирик автомобилсозлик компанияси General Motors'да бошлаган.  Ишлаб чиқариш бўлимдан.

Фаолиятининг турли даврларида Аарон Жонс General Motors компаниянинг топ-менежментида асосий ўринларни эгаллаган, у ишлаб чиқариш ва сифатни назорат қилиш жараёнларининг бевосита иштирокчиси бўлган. 

У General Motors корпорациясидаги кўп йиллик фаолияти давомида ишлаб чиқариш технологиялари бўйича директор, сифат ва етказиб берувчиларни сифати бўйича директор шунингдек, халқаро таъминот занжири операциялари, ишлаб чиқариш ва глобал таъминот бўйича директор бўлиб ишлаган.

Жорий йилда Аарон Жонс UzAuto Motors компаниясига таъминот занжири ва логистика йўналишларини самарали бошқариш мақсадида таъминот тизими ва логистика бўйича ижрочи директор ўринбосари сифатида жалб этилди.

Деепак Кумар Сингҳ

UzAuto Motors компаниясининг етказиб берувчилар сифати бўйича маслаҳатчиси

Деепак Кумар автомобилсозлик саноатидаги бутун фаолияти давомида General Motors компаниясида сифат ва етказиб берувчиларни ривожлантириш соҳасида ишлаган.

Турли йиллар давомида у етказиб берувчилар сифати бўйича муҳандис лавозимида ишлаган, шунингдек General Motors компаниясининг Ҳиндистон ва Шимолий Америкадаги глобал харид стратегияси муҳандиси лавозимларида ишлаган.

Бугунги кунда Деепак Кумар Сингҳ UzAuto Motors етказиб берувчиларининг сифати бўйича маслаҳатчи лавозимини эгаллайди. У UzAuto Motors заводи учун комлекация етказиб берувчиларининг маҳаллий тармоғини ривожлантириш билан шуғулланади. 

О Кангсе

Машинасозлик ва техник хизмат кўрсатиш бўйича маслаҳатчи.

О Кангсе автомобилларни ишлаб чиқариш ва сифатини назорат қилиш соҳасида 40 йилдан ортиқ тажрибага эга. Кўп йиллик фаолияти давомида О Кангсе дунёнинг кўплаб йирик компанияларининг ишлаб чиқаришини лойиҳалаш соҳасининг етакчи мутахассисига айланди.

Ўз фаолиятини Hyundai Motors(Корея) компаниясининг муҳандис-техногликдан бошлагач, О Кангсе бир қатор лавозимларда, жумладан Samsung Motors (Корея) компаниясининг ишлаб чиқаришни лойиҳалаш ва сифат назорати бўйича директори, Sewоn Precision Ltd компаниясининг техник директори, шунингдек EINС Autoмation, Ltd. (Таиланд) саноат ускуналарини ишлаб чиқариш компаниясининг вице-президенти лавозимларида ишлаган.

Ҳозирда О Кангсе UzAuto Motors компаниясининг Машинасозлик ва техник хизмат кўрсатиш бўйича маслаҳатчиси лавозимида фаолият юритмоқда.

Жаэчеол Парк

UzAuto Motors АЖ халқаро ишлаб чиқариш тизимлари бўйича эксперт.

Дунё бўйича йирик корхоналарда 37 йиллик меҳнат тажрибасига эга. Фаолияти давомида Жаэчеол Парк Хитой, Корея, Ҳиндистон, Таиланд, Австралия ва Ўзбекистоннинг 26 та автомобиль ва қувват агрегатлари заводларида GM GMS глобал ишлаб чиқариш тизимини ўқитиш ва текшириш ишларини амалга оширди. Бундан ташқари, у бир қатор корхоналарнинг сифат даражасини BIQ4 халқаро даражасига кўтаришни муваффақиятли амалга оширди.

Шунингдек, Жаэчеол Парк Ўзбекистондаги UzAuto Motors Powertrain заводида CSS Prime янги авлод двигателлари ишлаб чиқаришни ишга туширишда, Асака ва Питнакдаги UzAuto Motors заводларида BIQ4 ишлаб чиқариш сифати сертификатини олишда фаол иштирок этди.

Михаил Семенихин

Ўзбекистон ва экспорт бозорларида Chevrolet бренди дилерлик тармоғи, маркетинг, PRни ривожлантириш бошқармаси бошлиғи.

МДҲ ва хориж мамлакатларидаги энг йирик компанияларда бренд, дилерлик тармоғи ва сотувни ривожлантириш бўйича 30 йилдан ортиқ тажрибага эга. Михаил Семенихин фаолиятининг 23 йилини Volkswagen Group корпорациясининг савдо тармоғини, шунингдек Bosch-Siemens HausgeratGmbh халқаро компаниясини ривожлантиришга бағишлаган.

Жорий йилнинг июнь ойидан бошлаб Михаил Семенихин UzAuto Motors компаниясида Ўзбекистон ва экспорт бозорларида Chevrolet бренди дилерлик тармоғи, маркетинг, PRни ривожлантириш бўйича бошқармаси раҳбари лавозимини эгаллаб келмоқда. У келгусида компанияда ушбу йўналишлар бўйича етакчи халқаро амалиётларни жорий этади.