Президент Шавкат Мирзиёев шоир, маънавият тарғиботчиси Хушбоқ Раҳимовни “Дўстлик” ордени билан мукофотлаш тўғрисидаги фармонни имзолади.
Кўп йиллик самарали бадиий-ижодий фаолияти билан замонавий адабиётимизни ватанпарварлик, фидойилик, инсонийликни тараннум этувчи асарлар билан бойитиш, халқимизнинг онг-у тафаккури, маънавий салоҳиятини юксалтириш, фарзандларимизни Ватанга муҳаббат ва садоқат руҳида тарбиялашга қўшган муносиб ҳиссаси, юртимиздаги туб ислоҳотлар моҳиятини жамоатчиликка етказиш, жамиятда миллатлараро дўстлик ва тотувликни, турли миллат ва элат вакиллари ўртасида ўзаро ҳамжиҳатлик, меҳр-оқибат муҳитини мустаҳкамлаш, миллий маданиятлар ва анъаналарни ривожлантириш борасидаги катта хизматлари ҳамда ижтимоий ҳаётдаги фаол иштироки учун шоир, маънавият тарғиботчиси Раҳимов Хушбоқ “Дўстлик” ордени билан мукофотлансин, дейилади фармонда.
Аввалроқ Шавкат Мирзиёев Халқаро хотин-қизлар куни муносабати билан бир гуруҳ аёлларни мукофотлаганди. Унга кўра мамлакатда мўтабар аёл зотига муносиб эҳтиром кўрсатиш, хотин-қизларнинг давлат ва жамият ҳаётидаги ўрни ва нуфузини оширишга катта ҳисса қўшаётган бир гуруҳ хотин-қизларга орден ва медаллар тақдим қилинган.
Изоҳ (0)