Шавкат Мирзиёев Франция парламенти қуйи палатаси раҳбари билан учрашув ўтказди

Шавкат Мирзиёев 13 март куни Париждаги Бурбон саройида Франция Миллий мажлиси раиси Йаел Браун-Пиве билан учрашув ўтказди.

Президент матбуот хизматининг хабар қилишича, икки давлат ўртасидаги парламентлараро алмашинувни янада кенгайтириш масалалари кўриб чиқилди. Ушбу ташрифнинг тарихий аҳамияти, Ўзбекистон ва Франция ўртасида стратегик шериклик муносабатлари ўрнатилгани мамнуният билан қайд этилди.

Франция парламенти қуйи палатаси раҳбари Янги Ўзбекистонда амалга оширилаётган демократик янгиланишлар, вакиллик органлари ролини, хотин-қизлар, болалар, ёшлар ва ногиронлиги бўлган шахслар ҳуқуқлари, экологик хавфсизликни таъминлашнинг кафолатларини кучайтириш борасидаги ишларни юқори баҳолади.

Ўзбекистон—Франция парламентлараро форумини ташкил этиш ва “йўл харитаси” асосида дўстлик гуруҳлари ишини қайта тиклаш масалалари муҳокама қилинди.

Ўзбекистон етакчиси Миллий мажлис Раисини жорий йил апрель ойида Тошкент шаҳрида бўлиб ўтадиган Парламентлараро иттифоқнинг 150-юбилей ассамблеясида иштирок этиш учун Ўзбекистонга таклиф этди.

Учрашув якунида Ўзбекистон президенти Фахрий меҳмонлар китобида қайд ёзиб қолдирди.

Шавкат Мирзиёевнинг Францияга ташрифи ҳақида

Ўзбекистон президенти 11 февраль куни Франция президенти Эммануэл Макроннинг таклифига биноан давлат ташрифи билан Париж шаҳрига келди. 12–март куни Шавкат Мирзиёевни расмий кутиб олиш маросими бўлибди ўтди. Сўнг Елисей саройида Шавкат Мирзиёев ва Эммануэл Макрон музокаралар ўтказди. Унда давлат раҳбарлари икки мамлакат ўртасида стратегик шериклик муносабатларини ўрнатиш тўғрисида тарихий қарорга келди.

Музокаралар якунида президентлар Стратегик шериклик ўрнатиш тўғрисидаги қўшма декларацияни қабул қилди. Давлат раҳбарлари ҳузурида Мутахассислар ва талабалар ҳаракатчанлиги тўғрисидаги ҳукуматлараро битим алмашилди. Шунингдек, бир қатор битимлар имзоланди.

Елисей саройидаги олий даражадаги учрашув чоғида Шавкат Мирзиёев Эммануэл Макронга француз ёзувчиси Виктор Гюгонинг ўзбек тилига таржима қилинган “Кулаётган одам” романининг илк нусхасини совға қилди. Ушбу китоб оммавий нашрдан чиқиши ва тез орада китобхонлар эътиборига ҳавола этилиши кутилмоқда.

Ташриф давомида Ўзбекистон президенти Шавкат Мирзиёев Франциянинг олий мукофоти — Фахрий легион ордени билан мукофотланди. Францияда ушбу орден алоҳида хизматларнинг давлат даражасида эътироф этилиши ва шон-шарафнинг энг юқори белгиси ҳисобланади.

Парижга ташриф давомида Шавкат Мирзиёев Франция ишбилармон доираларининг етакчи вакиллари билан учрашув ҳам ўтказди. Ўзбекистон президенти Франция билан савдо-иқтисодий алоқаларни янада кенгайтириш муҳимлигини таъкидлади. Франция компаниялари билан 2027 йилгача бўлган даврга мўлжалланган инновацион ва саноат кооперацияси дастури бунга хизмат қилади. Унга умумий қиймати 6,5 миллиард евро бўлган аниқ йўналиш ва лойиҳалар киритилган.

Эммануэл Макрон Елисей саройида Ўзбекистон президенти Шавкат Мирзиёев шарафига давлат қабул маросимини уюштирди. Унда кки мамлакат расмий делегациялари, Франция бош вазири Франсуа Байру бошчилигида Вазирлар Маҳкамаси аъзолари, таниқли маданият, санъат ва фан арбоблари, ишбилармон доиралар ва жамоатчилик вакиллари иштирок этди.

Шавкат Мирзиёев Франция парламенти қуйи палатаси раҳбари билан учрашув ўтказди

Изоҳ (0)

Мавзуга доир

Daryo.uz | Сизнинг муаммоингиз ечими