Финляндия кетма-кет саккизинчи бор дунёдаги энг бахтли давлат деб топилди. Марказий Осиё давлатлари орасида бундай мақомни Қозоғистон қўлга киритди. Мамлакатларнинг бахтлилик даражасини кўрсатувчи World Happiness Report 2025 рейтинги эълон қилинди.
Мазкур рейтинг ҳар йили 20 март куни нишонланадиган Халқаро бахт кунида эълон қилинади. Уни тузишда мамлакатдаги аҳоли жон бошига Ялпи ички маҳсулот кўрсаткичлари, умр кўриш давомийлиги, ижтимоий ёрдам, эркинлик, коррупция даражаси ва сахийлик ҳисобга олинади.
Бу йилги рейтингда юқори ўнталикка Финляндия, Дания, Исландия, Швеция, Нидерландия, Коста-Рика, Норвегия, Исроил, Люксембург ва Мексика кирган. Марказий Осиё давлатларини кўрсаткичи қуйидагича:
- Қозоғистон 43-ўрин (6 даража юқорилади)
- Ўзбекистон 53-ўрин (6 поғона пастлади)
- Қирғизистон 75-ўрин (ўзгаришсиз қолди)
- Тожикистон 90-ўрин (2 поғона юқорилади)
Туркманистон ўтган йиллар каби рейтингга киритилмаган. Қўшма Штатлар юқори 10 таликка кира олмаган ва ўтган йилги 23-ўриндан 24-ўринга тушиб кетган. Россия бир йил ичида рейтингда олти поғонага кўтарилиб, 66-ўринни эгаллаган. Украина эса олти поғона пастлаб 111-ўринни қайд этган. Афғонистон эса энг бахтсиз давлат (147-ўрин) деб топилган. Бундан ташқари Сиэрра-Леоне, Ливан, Малави ва Зимбабве ҳам паст ўринларни қўлга кириган.
Изоҳ (0)