Ижтимоий тармоқларда “Қоратош” маҳалласида жойлашган 324-мактаб ҳудудидаги футбол майдони қулаб тушгани ҳақида хабарлар тарқалди. Ҳолат юзасидан Тошкент шаҳар ҳокимлиги изоҳ берди.
Маълум қилинишича, дастлаб, спорт майдончаси қулашининг сабаби 26—27 февраль кунларидаги қор ёғиши деб ҳисобланган эди.
Бироқ дастлабки техник текширувларда маълум бўлишича, асосий сабаб — қурилиш ишларининг сифатсиз бажарилгани ва белгиланган талабларга жавоб бермайдиган материаллардан фойдаланилгани билан боғлиқ.
Ҳозирги кунда лойиҳа меъёрларига риоя этилиши батафсил текширилмоқда, шунингдек, пудратчи ташкилот бажарган ишлар чуқур таҳлил қилинмоқда.
Текширув якунига кўра, масъул шахсларга нисбатан тегишли чоралар кўрилади.
Аввалроқ Жиззах вилоятидаги мактабда 1,1 млрд сўмга қурилган сунъий қопламали стадион том қисми қулаб тушгани ҳақида хабар берилганди.
Изоҳ (0)