Самарқандда тўрт нафар йигит кўп қаватли уйнинг деразасидан тушиб кетган қизчанинг ҳаётини сақлаб қолганди. Вилоят Фавқулодда вазиятлар бошқармаси бошлиғи улар билан учрашиб, эсдалик совғалари билан тақдирлади.
.jpg)
Хабар берилишича, бошқарма бошлиғи Илҳом Исмоилов ёшлар билан учрашиб, фавқулодда вазиятлар вазирининг фахрий ёрлиғи ва миннатдорчилигини етказди. Шунингдек, эсдалик совғалари — телевизорлар билан тақдирлади.
1 июнь куни Самарқанддаги мактаблардан бирининг 11-синфини битираётган ушбу йигитлар сайр қилиб юришганда кўп қаватли уйнинг 4-қаватида боши панжара орасига тиқилиб, танаси ҳавода осилиб турган кичкина қизчани кўриб қолганди.
Ўқувчилардан бири дарҳол қизалоқнинг ота-онасига хабар бериш учун квартира томон югурган. Қолганлари қизалоқ осилиб қолган балкон остида уни тутиб қолиш учун қўлларини узатиб турган. Йигитлардан бири зинапоядан югуриб чиқаётган пайтда, қизалоқ пастга тушиб кетган. Йигитлар уни тутиб олган ва қизча омон қолган.
Уларнинг у ҳаракати учун вилоят Мактабгача ва мактаб таълими бошқармаси раҳбари ҳам ташаккурнома ва ноутбуклар билан тақдирлаганди.
Изоҳ (0)