Ахборот ва оммавий коммуникациялар агентлигида “Бизнесни ривожлантириш банки” – кичик бизнес таянчи” мавзусида ўтказилган матбуот анжуманида бу ҳақда маълум қилинди. Унда банк бошқаруви аъзолари, таркибий тузилмалари раҳбарлари, оммавий ахборот воситалари ва жамоатчилик вакиллари иштирок этди.
-tnqptgCg.jpg)
Банк масъулларининг билдиришича, 2024 йилнинг 16 декабрь куни давлат раҳбари раислигида ўтказилган видеоселектор йиғилишида белгилаб берилган топшириқлар асосида “Бизнесни ривожлантириш банки” кичик бизнесни молиялаштириш, янги иш ўринлари ва аҳоли учун қўшимча даромад манбаларини яратишга йўналтирилган чора-тадбирларни янада фаоллаштирмоқда.
2025 йил 1 январь ҳолатига, банкнинг кредит қўйилмалари 22 трлн 530 млрд 800 млн сўмга етди. Бу кўрсаткич ўтган йилга нисбатан 730 млрд 200 млн сўмга ёки 3,3 фоизга ўсишига эришилган.
Банк томонидан республика бўйича 229 та “Маҳалла банкири” фаолияти йўлга қўйилди. “Маҳалла лойиҳаси” дастури доирасида “Маҳаллада бизнес”, “Маҳалла банкири” кредит маҳсулотлари ишлаб чиқилди ва амалиётга жорий этилди. Ҳозирда мазкур маҳсулотлар аҳоли орасида кенг тарғиб қилинмоқда.
“Бизнесни ривожлантириш банки” жорий йилда барча манбалар ҳисобидан 10 трлн 400 млрд сўмлик кредитлар ажратишни кўзламоқда.
Жумладан:
“Бизнесга биринчи қадам” маҳсулоти орқали 300 млрд сўмдан ортиқ;
“Маҳаллада бизнес” маҳсулоти орқали 150 млрд сўмдан ортиқ кредит ажратилиши мақсад қилинган.
Маҳаллабай ишлаш тизими доирасида 279 минг нафар аҳоли бандлигини таъминлаш кўзда тутилмоқда. Бунда 115 минг нафар аҳоли доимий ишга жойлаштирилади ва 164 минг нафари тадбиркорликка жалб қилинади.
Жойларда 1 300 та учрашувлар ўтказилиб, 25 900 та микролойиҳалар амалга оширилади ва дастурлар доирасида 1 трлн 400 млрд сўмлик кредитлар ажратиш таъминланади.
Шунингдек, ташқи манбалардан 357 млн АҚШ доллари миқдоридаги хорижий сармоя жалб қилинади.
Матбуот анжуманида “Бизнесни ривожлантириш банки”да Осиё тараққиёт банки билан ҳамкорликда мижозга йўналтирилган “Микро, кичик ва ўрта бизнесга хизмат кўрсатишнинг янги операцион модели”ни ишлаб чиқиш ва амалиётга жорий қилиш бўйича ишлар бошлангани хабар қилинди.
Қайд этилганидек, ОТБнинг “Инклюзив молия секторини ривожлантириш – молиявий воситачилик” дастури доирасида банкка 50 млн АҚШ доллари миқдоридаги кредит линиясини жалб қилиш бўйича музокаралар олиб борилмоқда. Бу кредит линияси очилса, банкнинг кичик бизнесни қўллаб-қувватлашдаги молиявий имкониятлари янада ошади.
Реклама ҳуқуқи асосида.
Изоҳ (0)