“Бизнесни ривожлантириш банки” АТБ “Кичик бизнесни узлуксиз қўллаб-қувватлаш” комплекс дастурини амалга ошириш ва уни доимий равишда такомиллаштириб бориш бўйича асосий таянч банк сифатида белгиланган.
-2USTxaPT.jpg)
Шунингдек, Ўзбекистон Республикаси президентининг 2023 йил 15 ноябрдаги “Аҳолини кичик ва ўрта бизнесга кенг жалб қилишнинг қўшимча чора-тадбирлари тўғрисида”ги қарорига мувофиқ, 2024—2026 йилларда банкка:
- кичик тадбиркорлик субъектларига ажратиладиган кредитлар қолдиғини 1,7 бараварга ошириш орқали кредит портфелидаги улушини 28 фоиздан 43 фоизга етказиш;
- 150 мингта кичик тадбиркорлик субъекти фаолиятини йўлга қўйиш ва кенгайтириш;
- кичик бизнес лойиҳаларини молиялаштириш учун халқаро молия институтлари ва хорижий ҳукумат молия ташкилотларидан жами 800 миллион АҚШ доллари миқдоригача миқдорда ресурслар жалб қилиш вазифаси юклатилган.
“Бизнесни ривожлантириш банки” ана шу мақсадларни ҳаётга изчил татбиқ этиш учун кичик ва ўрта бизнес корхоналарини фаол молиявий қўллаб-қувватламоқда. 2024 йилнинг 10 ойида банк тадбиркорлик субъектларига 4 трлн сўмга яқин кредитлар ажратди.
“Кичик бизнесни узлуксиз қўллаб-қувватлаш” комплекс дастури доирасида банк томонидан 1,7 трлн сўмдан ортиқ кредит ажратилди. Хусусан, ўрта бизнес вакилларига 371,7 млрд сўм, кичик бизнесга 612,9 млрд сўм, микро бизнесга 1 трлн 824 млрд сўм кредит ажратилган.
Шунингдек, банк томонидан тармоқлар кесимида саноатга 941,2 млрд сўм, қишлоқ хўжалигига 339,6 млрд сўм, қурилишга 495,8 млрд сўм, савдо ва умумий овқатланишга 857,5 млрд сўм, транспорт ва коммуникацияга 63,2 млрд сўм кредитлар йўналтирилган. Бундан ташқари, бошқа соҳалар учун яна 1,2 трлн сўм кредит тақдим этилган.
Келгусида ҳам кичик бизнесни қўллаб-қувватлаш “Бизнесни ривожлантириш банки”нинг энг устувор йўналиши бўлиб қолади. Банк бундан буён ҳам янги иш ўринлари яратиш, аҳоли даромадларини ошириш ва жаҳон истеъмол бозорида рақобатбардош экспортни таъминлашга қаратилган бизнес лойиҳаларни молиялаштиришда фаол иштирок этади.
Реклама ҳуқуқи асосида.
Изоҳ (0)